సుహాస్‌, సంగీర్తన హీరో, హీరోయిన్లుగా దిల్‌ రాజు ప్రొడక్షన్స్‌ బ్యానర్‌పై రూపొందిన తాజా చిత్రం ‘జనక అయితే గనక’. శిరీష్‌ సమర్పణలో హర్షిత్‌ రెడ్డి, హన్షిత ఈ సినిమాను నిర్మించారు. ఈ చిత్రాన్ని సందీర్‌ రెడ్డి బండ్ల డైరెక్ట్‌ చేశారు. ఈనెల 7న ఈ సినిమా గ్రాండ్‌ రిలీజ్‌ కానుంది.
ఈ నేపథ్యంలో మీడియాతో దిల్‌ రాజు మాట్లాడుతూ, ‘సెన్సార్‌ అయింది.యూ/ఏ సర్టిఫికేట్‌ ఇచ్చారు. ఆల్రెడీ టీజర్‌, ట్రైలర్‌, పాటలు అన్నీ కూడా అందరినీ ఆకట్టు కున్నాయి. సుహాస్‌ తన ప్రతీ సినిమాతో ఒక్కో మెట్టు ఎక్కుతూనే ఉన్నాడు. సుహాస్‌ అంటే మినిమం గ్యారెంటీ అని యూఎస్‌ డిస్ట్రిబ్యూటర్లు కూడా చెబుతున్నారు. దిల్‌ రాజు ప్రొడక్షన్‌ అంటే ఫ్యామిలీతో చూడదగ్గ సినిమానే ఉంటుంది. కాకపోతే ఈ సినిమా కథ కాస్త డిఫరెంట్‌గా ఉంటుంది. కాస్త పక్కకు జరిగి ఈ కథను చేసినా ఆ లైన్‌ దాటకుండా తీశాం. ఆడియెన్స్‌ను ఎడ్యూకేట్‌ చేసేలా ఉంటుంది. విజరు బుల్గానిన్‌ మంచి పాటలు ఇచ్చారు. సంగీర్తన మలయాళీ అమ్మాయి అయినా తెలుగు నేర్చుకుని డబ్బింగ్‌ చెప్పారు. మేం ఈనెల 6న ప్రీమియర్లు వేస్తున్నాం. ఈ సినిమా ఆద్యంతం నవ్వించేలా ఉంటుంది. ఓ మంచి సందేశాన్ని ఇచ్చారు అనే ఆలోచనతో థియేటర్‌ నుంచి బయటకు వస్తారు’ అని అన్నారు. ‘ప్రశాంత్‌ నీల్‌ టీంలోకి నన్ను దిల్‌ రాజు పంపారు. అక్కడ చాలా నేర్చుకున్నాను. ప్రశాంత్‌ నీల్‌కి ఈ కథ తెలుసు. బాగుందని మెచ్చుకున్నారు’ అని దర్శకుడు సందీప్‌ రెడ్డి బండ్ల చెప్పారు.
సుహాస్‌ మాట్లాడుతూ, ‘సినిమా చాలా బాగా వచ్చింది. ఆడియెన్స్‌ నుంచి ఎలాంటి రెస్పాన్స్‌ వస్తుందా? అని వెయిట్‌ చేస్తున్నాను. స్క్రిప్ట్‌ విన్నప్పుడు నవ్వుతూనే ఉన్నాను. అలాగే ప్రేక్షకులు కూడా నవ్వుతారు’ అని తెలిపారు.
