సమాజంలో పేరుకుపోతున్న ‘డర్టీ లవ్‌’ ముసుగులో ప్రైవేట్‌ రూముల్లో శృంగారంతో, రేవ్‌ పార్టీల్లో విలాసాలతో, పబ్బుల్లో జల్సాలతో యువత మత్తులో ఎలా తూగుతున్నారో తెలిపే చిత్ర కథతో ఎ2బి ప్రొడక్షన్స్‌ నిర్మాణ సంస్థ ‘డర్టీ లవ్‌ ‘ చిత్రం రూపొం దించనుంది. గతంలో ‘అన్‌ స్టాపబుల్‌’ అనే నాన్‌ స్టాప్‌ కామెడీ ఎంటర్టైనర్‌ తీసిన నిర్మాత రంజిత్‌ రావు, తన తదుపరి చిత్రాన్ని ‘బ్యాక్‌ డోర్‌’ అనే సందేశ్మాతక చిత్రాన్ని తీసిన దర్శకుడు, నంది అవార్డు గ్రహీత కర్రి బాలాజీ దర్శకత్వంలో నిర్మించబోతున్నారు. ఈ చిత్రానికి సంబంధించిన స్క్రిప్ట్‌ వర్క్‌ మొత్తం పూర్తయ్యింది. ప్రీ ప్రొడక్షన్‌ పనులు శరవేగంగా జరుగుతున్నాయి. ఈ చిత్రానికి కొత్త కథానాయకుడు, నాయికల కోసం అన్వేషిస్తున్నారు. ప్రముఖ నటీ నటులు, సాంకేతిక నిపుణులుతో తెరకెక్కనున్న ఈ చిత్రం రెగ్యులర్‌ షూటింగ్‌ త్వరలో మొదలవుతుంది. వైవిధ్యమైన కాన్సెప్ట్స్‌తో సినిమాలను తెరకెక్కించే దర్శకుడు కర్రి బాలాజీ దర్శకత్వంలో ఈ సినిమా చేయడం చాలా ఆనందంగా ఉంది. ట్రెండ్‌కి అనుగుణంగా ఉన్న కథతో ప్రేక్షకుల ముందుకు రాబోతున్నాం’ అని నిర్మాత రంజిత్‌రావు అన్నారు.
