నవతెలంగాణ – కామారెడ్డిడాక్టర్ బి.ఎన్.రావు హెల్త్ ఫౌండేషన్ కరీంనగర్ ఆధ్వర్యంలో జిల్లా కేంద్రంలోని గ్రంథాలయానికి 25,000/- విలువలు గల పోటీ పరీక్షల పుస్తకాలను వితరణ చేశారు. ఈ కార్యక్రమంలో డాక్టర్ బి.ఎన్.రావు ఫౌండేషన్ హెల్త్ వ్యవస్థాపకులు డాక్టర్ బి ఎన రావు, అడ్వకేడ్ జగన్నాథ్ , కౌన్సిలర్ అనూష,జిల్లా గ్రంథాలయ సంస్థ కార్యదర్శి బుగ్గారెడ్డి, గ్రంథాలయ సిబ్బంది పాల్గొన్నారు. ఈ సందర్భంగా డాక్టర్ బి.ఎన్ రావు మాట్లాడుతూ వివిధ పోటీ పరీక్షలకు సన్నద్ధమయ్యే అభ్యర్థులకు అవసరమైన పుస్తకాలను ఫౌండేషన్ ద్వారా గ్రంథాలయాలకు, బిసి,ఎస్సీ స్టడీ సర్కిల్ వారికి పుస్తకాలను అందజేయడం జరిగిందన్నారు. గ్రంథాలయంలో గ్రూప్ 1 పీలిమ్స్ ఉత్తీర్ణత సాధించిన అభ్యర్థులకు వారి ఫౌండేషన్ ద్వారా పుస్తకాలను ఉచితంగా అందజేస్తామన్నారు.
