– గాంధీభవన్‌ వద్ద గద్వాల కాంగ్రెస్‌ కార్యకర్తల ధర్నా
నవతెలంగాణబ్యూరో-హైదరాబాద్‌
గద్వాల బీఆర్‌ఎస్‌ ఎమ్మెల్యే బండ్ల కృష్ణమోహన్‌రెడ్డిని చేర్చుకోవద్దంటూ ఆ నియోజకవర్గానికి చెందిన కాంగ్రెస్‌ కార్యకర్తలు కోరారు. శుక్రవారం హైదరాబాద్‌లోని గాంధీభవన్‌ మెట్లపై ధర్నా నిర్వహించారు. బీఆర్‌ఎస్‌ ఎమ్మెల్యేకు వ్యతిరేకంగా కార్యకర్తలు పెద్ద ఎత్తున నినాదాలు చేశారు. కాంగ్రెస్‌ పార్టీకి తీవ్ర నష్టం కలిగించిన ఆయన్ను పార్టీలో ఎలా చేర్చుకుంటారని ప్రశ్నించారు. ఈ విషయంలో ముఖ్యమంత్రి రేవంత్‌రెడ్డి ఆలోచించాలని విజ్ఞప్తి చేశారు. 2023 అసెంబ్లీ ఎన్నికల్లో బండ్ల కుటుంబం, బంగ్లా కుటుంబం (డీకే అరుణ)తో సనిహిత్నంగా ఉంటూ కాంగ్రెస్‌ అభ్యర్థి సరితమ్మను ఓడించారని ఆవేదన వ్యక్తం చేశారు. కాంగ్రెస్‌ను ఓడించేందుకు బీఆర్‌ఎస్‌, బీజేపీ ఒక్కటయ్యాయని తెలిపారు. ఈ కార్యక్రమంలో కే. మోహన్‌రావు, ఎస్పీ.ఏ గౌడ్‌ తదితరులు పాల్గొన్నారు.
Related posts:
6,7 తేదీల్లో ఏఐఎన్‌యూ ఆధ్వర్యంలో యూరాలజీ సదస్సు
ఇంజినీరింగ్‌ కౌన్సెలింగ్‌ ప్రారంభం
వెల్ఫేర్‌ బోర్డు అడ్వయిజరీ కమిటీని పునరుద్ధరించాలి
బీఆర్‌ఎస్‌ ఎమ్మెల్యే మహిపాల్‌ బ్యాంకు లాకర్‌ నుంచి 1.2 కేజీ బంగారం బిస్కెట్లు స్వాధీనం
గురుకుల పనివేళల్లో శాస్త్రీయతా లోపం
బీజేవైఎం ఆధ్వర్యంలో రాహుల్‌గాంధీ బొమ్మతో శవయాత్ర