నవతెలంగాణ – సిరిసిల్ల
“పోరు కన్నా ఊరు మిన్న – మన ఊరుకి తిరిగి రండి“ అనే కార్యక్రమంలో భాగంగా జిల్లా ఎస్పీ అఖిల్ మహాజన్ జిల్లా పోలీస్ కార్యాలయంలో సమావేశం ఏర్పాటు చేసి కౌన్సిలింగ్ నిర్వహించారు. సరెండర్ అయిన నేరెళ్ళ జ్యోతి అలియాస్ జ్యోతక్కతో సరెండర్ అయిన వారికీ ప్రభుత్వం అందించే పునరావాసం , ఇతర సదుపాయాలు మొదలైన వాటి గురించి వివరించటం జరిగింది. తనకు రావాల్సిన పెండింగ్ లో ఉన్న ఇతర సదుపాయాలను సంబంధిత అధికారులతో చర్చించి పరిస్కరిస్తాను అని హామీ ఇవ్వటం జరిగింది. అదే విధంగా తంగాళ్ళపల్లి మండలం గోపాలరావుపల్లికి చెందిన మావోయిస్టు కేంద్ర కమిటీ నేత కడారి సత్యనారాయణ అలియాస్ కోస అలియాస్ సాడు కుటుంబ సభ్యులతో ఇంటి వద్ద కలిసి జిల్లా ఎస్పీ పండ్లు అందించి తమ కుటుంబ సభ్యుడు సరెండర్ అయి జన జీవనస్రవంతిలో కలవడానికి సహాయ సహకారాలు అందించాలని వారిలో స్ఫూర్తి నింపి ప్రభుత్వం అందించే పునరావాసం,ఇతర సదుపాయాలు పై ఎస్పీ వివరించారు.
