ధర్మ, ఐశ్వర్య శర్మ హీరో, హీరోయిన్లుగా నటిస్తున్న సినిమా ‘డ్రింకర్‌ సాయి’. బ్రాండ్‌ ఆఫ్‌ బ్యాడ్‌ బార్సు అనేది ఈ చిత్ర ట్యాగ్‌ లైన్‌. ఈ చిత్రాన్ని ఎవరెస్ట్‌ సినిమాస్‌, స్మార్ట్‌ స్క్రీన్‌ ఎంటర్‌టైన్‌మెంట్స్‌ బ్యానర్స్‌ పై బసవరాజు శ్రీనివాస్‌, ఇస్మాయిల్‌ షేక్‌, బసవరాజు లహరిధర్‌ నిర్మిస్తున్నారు. కొన్ని వాస్తవ ఘటనల ఆధారంగా దర్శకుడు కిరణ్‌ తిరుమలశెట్టి ఈ చిత్రాన్ని తెరకెక్కించారు. ఈ నెల 27న ఈ చిత్రాన్ని గ్రాండ్‌ థియేట్రికల్‌ రిలీజ్‌కు తీసుకొస్తున్నట్లు నిర్మాతలు ప్రకటించారు. టీజర్‌తో పాటు రీసెంట్‌గా రిలీజ్‌ చేసిన ‘బాగి బాగి..’ లిరికల్‌ సాంగ్‌కు హ్యూజ్‌ రెస్పాన్స్‌ వచ్చింది. ఈ సినిమా యూత్‌ ఫుల్‌ లవ్‌ ఎంటర్‌టైనర్‌గా ప్రేక్షకుల్లో మంచి బజ్‌ క్రియేట్‌ చేసింది. ఈ సినిమా తప్పకుండా అన్ని వర్గాల ప్రేక్షకుల్ని అలరిస్తుందనే నమ్మకం ఉంది అని మేకర్స్‌ తెలిపారు. పోసాని కృష్ణమురళి, శ్రీకాంత్‌ అయ్యంగార్‌, సమీర్‌, ఎస్‌ఎస్‌ కాంచి, భద్రం, కిర్రాక్‌ సీత, రీతు చౌదరి, ఫన్‌ బకెట్‌ రాజేశ్‌, రాజ ప్రజ్వల్‌ తదితరులు నటించిన ఈ చిత్రానికి ఆర్ట్‌ – లావణ్య వేములపల్లి, కొరియోగ్రఫీ – భాను, మోయిన్‌, డీవోపీ – ప్రశాంత్‌ అంకిరెడ్డి, ఎడిటింగ్‌ – మార్తాండ్‌ కె వెంకటేష్‌, లైన్‌ ప్రొడ్యూసర్‌ – లక్ష్మీ మురారి, మ్యూజిక్‌ – శ్రీ వసంత్‌, లిరిక్స్‌ – చంద్రబోస్‌, ప్రొడ్యూసర్స్‌ – బసవరాజు శ్రీనివాస్‌, ఇస్మాయిల్‌ షేక్‌, బసవరాజు లహరిధర్‌, రచన, దర్శకత్వం – కిరణ్‌ తిరుమలశెట్టి.
