నాని నటించిన మోస్ట్‌ ఎవైటెడ్‌ పాన్‌ ఇండియా ఎంటర్‌టైనర్‌ ‘దసరా’. ఈనెల 30న ప్రపంచవ్యాప్తంగా గ్రాండ్‌ థియేట్రికల్‌ విడుదలకు సిద్ధమవుతోంది. నూతన దర్శకుడు శ్రీకాంత్‌ ఒదెల దర్శకత్వంలో తెరకెక్కిన ఈ చిత్రం సెన్సార్‌ని పూర్తి చేసుకుని యు/ఎ సర్టిఫికెట్‌ సొంతం చేసుకుంది.సినిమా రన్‌ టైమ్‌ 2:36 గంటలుగా లాక్‌ చేశారు. ఇలాంటి జోనర్‌ సినిమాలకు ఇది పర్ఫెక్ట్‌ రన్‌టైమ్‌. టీజర్‌, ట్రైలర్‌లో చూసినట్లుగా కథకు భారీ స్పాన్‌ ఉంది. ఇందులో పల్లెటూరి స్నేహితుల మధ్య అందమైన బాండింగ్‌, రస్టిక్‌ లవ్‌ స్టొరీ, మునుపెన్నడూ లేని విధంగా యాక్షన్‌, అందరినీ కదిలించే భావోద్వేగాలు ఉన్నాయి. డి-గ్లామరస్‌గా కనిపించే ఛాలెంజింగ్‌ పాత్రను పోషించారు నాని. అలాగే వెన్నెలగా కీర్తి సురేష్‌ పాత్ర ఇందులో చాలా సర్ప్రైజింగ్‌ ఉండబోతుంది. దీక్షిత్‌ శెట్టి నాని స్నేహితుడిగా, సముద్రఖని పాత్ర కీలకంగా ఉండబోతోంది. సినిమాలోని ప్రతి పాత్రకు తనదైన ప్రాధాన్యత ఉంటుంది. సత్యన్‌ సూర్యన్‌ ప్రతి సన్నివేశాన్ని అత్యంత ఆకర్షణీయంగా చిత్రీకరించగా, సంతోష్‌ నారాయణన్‌ తన మ్యూజిక్‌ మాయాజాలంతో సినిమాని మరో స్థాయికి ఎలివేట్‌ చేశారు. భారీ ఖర్చుతో 22 ఎకరాల్లో సహజమైన పల్లెటూరి వాతావరణం రీక్రియేట్‌ చేస్తూ ఆర్ట్‌ డైరెక్టర్‌ అవినాష్‌ కొల్లా అద్భుతమైన సెట్స్‌ వేశారు. నిర్మాత సుధాకర్‌ చెరుకూరి ఎక్కడా రాజీ పడకుండా భారీ బడ్జెట్‌తో సినిమాని నిర్మించారు. ట్రైలర్‌ కేవలం శాంపిల్‌ మాత్రమే. సినిమాలో చాలా సర్ప్రైజ్‌లు ఉంటాయి’ అని చిత్ర బృందం తెలిపింది.
