– వంశీ సంస్థల అధినేత వంశీ రామరాజు
నవతెలంగాణ-కల్చరల్‌
మూడు వేల పైగా సినీ పాటలు రాసినా సినారే ప్రతి గీతం సాహిత్య పరంగా ప్రత్యేకత ఉన్నవని వంశీ సంస్థల అధినేత వంశీ రామరాజు అన్నారు. శ్రీ త్యాగరాయ గానసభ ప్రధాన వేదికపై సుశీల నారాయణరెడ్డి ట్రస్ట్‌ వంశీ కల్చరల్‌ అండ్‌ ఎడ్యుకేషనల్‌ ట్రస్ట్‌ ఆధ్వర్యంలో ప్రఖ్యాత కవి డాక్టర్‌ సి నారాయణ రెడ్డి తొలి సినీ గీతం రచించి 65 ఏండ్లయిన సందర్భంగా ప్రముఖ గాయకులు మిత్రా వై.ఏస్‌.రామకష్ణ శశికళ గీతాంజలిలు నలభై పాటలను మధురంగా అలపించి పాటల పట్టాభిషేకం చేశారు. సినారే రచించిన తొలి పాట నన్ను దోచుకుందవాటేతో అరభించి ఎవరికీ తలవంచకు, చిత్రం భళారే విచిత్రం వంటి పాటలను వారు గానం చేశారు. ఈ సందర్భంగా జరిగిన సభా కార్యక్రమంలో నిర్వహకులు వంశీ రామరాజు, తిరుమల గ్రూప్‌ చైర్మెన్‌ నంగ నూరి చంద్ర శేఖర్‌ పాల్గొని మాట్లాడుతూ.. సినారే పాటలు నిత్య నూతనం అన్నారు. చంద్ర శేఖర్‌ గాయనీ గాయకులను అయోధ్య నుంచి తెప్పించిన శాలువాలతో సత్కరించి జ్ఞాపికలు బహుకరించారు. డాక్టర్‌ తెన్నేటి సుధ, సుంకరపల్లి శైలజ కార్యక్రమం పర్యవేక్షణ చేయగా సినారే కుమార్తెలు గంగ, యమున, కావేరి, కష్ణవేణి వారి భర్తలతో పాల్గొన్నారు. ప్రముఖ నటి శారద చెన్నై నుంచి సందేశం పంపుతూ సినారే తన సినిమాలకు సాహిత్య సంగీత పరమైన హిట్‌ పాటలు రాశారని గుర్తు చేశారు.
Related posts:
పల్స్ పోలియో కార్యక్రమాన్ని ప్రారంభించిన కార్పొరేటర్
చిన్నారికి పల్స్ పోలియో చుక్కలు
నల్లబ్యాడ్జీలతో ఎన్ హెచ్ ఎం ఉద్యోగస్తుల నిరసన
రాజకీయాలకు అతీతంగా పేద ప్రజలకు విద్య, వైద్యం అందేలా చూడాలి..
అర్హులైన ప్రతి జర్నలిస్టుకూ ఇండ్లస్థలాలు ఇస్తం: పొంగులేటి శ్రీనివాస్ రెడ్డి
జర్నలిస్టుల ఇళ్ల స్థలాల సమస్య పరిష్కారానికి కృషి చేస్తా: మంత్రి ఉత్తమ్ కుమార్ రెడ్డి