హీరో విశ్వక్‌ సేన్‌ తాజాగా నటిస్తున్న మాస్‌ యాక్షన్‌, కామెడీ ఎంటర్‌టైనర్‌ ‘మెకానిక్‌ రాకీ’. నూతన దర్శకుడు రవితేజ ముళ్లపూడి రైటింగ్‌, డైరెక్షన్‌ వహిస్తున్న ఈ చిత్రాన్ని ఎస్‌ఆర్‌టీ ఎంటర్‌టైన్‌మెంట్స్‌పై నిర్మాత రామ్‌ తాళ్లూరి నిర్మించారు. ఈ చిత్రం దీపావళి కానుకగా అక్టోబర్‌ 31న విడుదల కానుంది. ఇప్పటికే విడుదలైన ఫస్ట్‌ లుక్‌ పోస్టర్స్‌కి చాలా మంచి రెస్పాన్స్‌ వచ్చింది. తాజాగా మేకర్స్‌ గ్లింప్స్‌ రిలీజ్‌ డేట్‌ని అనౌన్స్‌ చేశారు. ఈనెల 28న గ్లింప్స్‌ని లాంచ్‌ చేయనున్నారు. అనౌన్స్‌ మెంట్‌ పోస్టర్‌లో విశ్వక్‌ సేన్‌ లుక్‌ అదిరిపోయింది. ట్రై యాంగిల్‌ లవ్‌ స్టోరీగా తెరకెక్కుతున్న ఈ చిత్రంలో మీనాక్షి చౌదరి, శ్రద్ధా శ్రీనాథ్‌ హీరోయిన్స్‌గా నటిస్తున్నారు. నరేష్‌, వైవా హర్ష, హర్షవర్ధన్‌, రోడీస్‌ రఘు రామ్‌ తదితరులు నటిస్తున్న ఈ చిత్రానికి రచన, దర్శకత్వం: రవితేజ ముళ్లపూడి, సంగీతం: జేక్స్‌ బిజోరు, డీవోపీ: మనోజ్‌ కటసాని, ప్రొడక్షన్‌ డిజైనర్‌: క్రాంతి ప్రియం, ఎడిటర్‌: అన్వర్‌ అలీ, ఎగ్జిక్యూటివ్‌ నిర్మాతలు: సత్యం రాజేష్‌, విద్యాసాగర్‌ జె.
