ప్రస్తుత రోజుల్లో టీ, కాఫీలు ప్రధానపాత్ర పోషిస్తున్నాయి. ఉద్యోగులు, స్పోర్ట్స్‌ పర్సన్స్‌, టీచర్స్‌, ఫీల్డ్‌వర్కర్స్‌… ఒక్కరేమిటి? ఎవరైనా సరే అవసరానికి మించి ఎక్కువగా టీ, కాఫీలు ఆహారంలోకి చేర్చినట్లయితే ఆరోగ్యసమస్యలు వస్తాయి.
– టీ, కాఫీలు రిఫ్రెష్‌మెంట్‌ కోసం మొదలయి ఇప్పుడు అలవాటుగా మారిపోయింది.
– కానీ వీటి వల్ల ఉపయోగాలు ఎన్ని ఉన్నాయో అంతకన్నా అనారోగ్య కారణాలు వున్నాయి.
– రోజుకు రెండు కప్పుల టీ లేదా కాఫీ తీసుకోవచ్చు.
– పరగడుపున టీ, కాఫీలు తాగడం వల్ల గ్యాస్టిక్‌ సంబంధ సమస్యలు వస్తాయి. దానికి బదులు నానబెట్టిన ఖర్జూర నీళ్లు, లేదా గోరువెచ్చని నీరు తీసుకోవడం మంచిది. ఇంకా మెంతిపొడి నీరు, సోంపు నీరు, ధనియాలనీరు, జీలకర్ర + అల్లం నీరు జీర్ణసమస్యలు ఉన్నవారు తీసుకోవాలి.
– నీరసం ఉన్నవారు అంజీరా నీళ్లు, ఖర్జూర నీళ్లు, నిమ్మరసం + తేనె, కిస్‌మిస్‌ నీళ్లు తీసుకోవచ్చు.
– షుగర్‌ వున్నవారు మెంతిపొడి నీళ్లు, జీలకర నీళ్లు, నిమ్మరసం, గోరువెచ్చని నీరు ఒక గ్రాసు తీసుకోవచ్చు.
– ఆహారం తీసుకున్న వెంటనే టీ, కాఫీ తీసుకోవడం వల్ల మనం తీసుకున్న ఆహారంలో ఐరన్‌ శరీరానికి అందదు.
– ప్రయాణ సమయాల్లో, భోజన సమయానికి ఇంటికి చేరుకోలేని సందర్భాల్లో ఆకలిగా ఉన్నప్పుడు టీ, కాఫీలకు బదులుగా మజ్జిగ, సూప్‌, జ్యూస్‌, కొబ్బరినీళ్లు, బాదంపాలు లాంటివి శ్రేయస్కరం.
– రోజూ ఆహారంలో భాగంగా పాలను తీసుకోవడం వల్ల స్త్రీలలో కాల్షియం, ప్రొటీన్‌ లోపాన్ని తగ్గించవచ్చు.
– ఎక్కువ మోతాదులో టీ, కాఫీలు తాగడంవల్ల ఐరన్‌ లోపాలు వస్తాయి.
– తగిన మోతాదులో తీసుకునే టీ, కాఫీ వలన అలసట తగ్గి మెదడు చురుకుగా పనిచేస్తుంది.
– పి.వాణి, 9959361180
Msc nutrition & DietiticsCheif dietician
11Am-8Pm
(consultation timings)
