ప్రవీణ్‌ కె.వి., యషిక, పృథ్వీరాజ్‌, వైష్ణవి, మౌనిక ప్రధాన పాత్రల్లో నటిస్తున్న సినిమా ‘మహీష’. ఈ చిత్రాన్ని స్క్రీన్‌ ప్లే పిక్చర్స్‌ బ్యానర్‌ పై దర్శకుడు ప్రవీణ్‌ కేవి రూపొందిస్తున్నారు. ఈ సినిమా సెన్సార్‌ సహా అన్ని కార్యక్రమాలు పూర్తి చేసుకుని త్వరలో రిలీజ్‌కు రెడీ అవుతోంది. ఈ నేపథ్యంలో చిత్ర బృందం నిర్వహించిన మీడియా సమావేశంలో దర్శకుడు, హీరో ప్రవీణ్‌ కె.వి. మాట్లాడుతూ, ‘ఈ సినిమాను మా టీమ్‌ అంతా ఎంతో కష్టపడి రూపొందించాం. సెన్సార్‌ యూ/ఏ సర్టిఫికెట్‌ ఇచ్చింది. మంచి సినిమా చేశారంటూ సెన్సార్‌ వాళ్ళు అభినందించారు. చిన్న సినిమాలు ఆడియెన్స్‌కు రీచ్‌ అయ్యేలా చేయడం కష్టం. మీ మీడియా సపోర్ట్‌ ఉంటేనే అది సాధ్యం. రీసెంట్‌గా రిలీజ్‌ చేసిన మా మూవీ టీజర్‌కు దాదాపు రెండు లక్షల వ్యూస్‌ వచ్చాయి. ఇవి జెన్యూన్‌ వ్యూస్‌. ఇది పెద్ద నెంబర్‌ కాకపోవచ్చు. కానీ మా మహీష సినిమా టీజర్‌ ప్రేక్షకులకు నచ్చిందని చెప్పేందుకు ఈ వ్యూస్‌ నిదర్శనం. మా సినిమాలో విలన్‌గా చేసిన విజయ్‌ రాజ్‌కి మంచి పేరొస్తుంది. మూవీ కంప్లీట్‌ చేసి రిలీజ్‌కు రెడీగా ఉన్నాం. ఈ సినిమాలో మంచి మేసేజ్‌తో పాటు ప్రేక్షకులకు కావాల్సిన ఎంటర్‌టైన్‌మెంట్‌ ఉంటుంది. ప్రేక్షకులు మా మూవీని సపోర్ట్‌ చేస్తారని కోరుకుంటున్నాం’ అని తెలిపారు.
వినోదం+సందేశం
11:14 pm
