నేతవైన నువ్వే నేస్తమైనా నువ్వే
రాతవైనానువ్వే కూతవైనా నువ్వే
పోరాటమైనా నువ్వే పార్లమెంటైనా నువ్వే
ఉద్యమాల బాట నువ్వే ఆశయాల వెలుగు నువ్వే
సీతారాం ఏచూరి… కమ్యూనిస్టు ఖడ్గధారి
ఎర్రన్ని సూరీడు ఏచూరి ఎర్రజండ బిడ్డ ఏచూరి ||ఎర్రన్ని||
ఎట్టబోతివయ్య ఏచూరి ఎంతపని జరిగింది ఏచూరి
||ఎర్రజండ||
నీవు లేకుంటేను ఏచూరి నిన్న నేడు దిగులు ఏచూరి
||ఎర్రజండ||
ఎంత చక్కనోడ ఏచూరి ఏడ తగ్గనోడ ఏచూరి
||ఎర్రజండ||
ఎన్నిచదివినవులే ఏచూరి ఏడైన నెగ్గేవు ఏచూరి
||ఎర్రజండ||
నవ్వుల్ల నెలరాజు ఏచూరి పువ్వంటి పరిమళం ఏచూరి
||ఎర్రజండ||
సమరాన మొనగాడు ఏచూరి సభలోన చెలరేగు ఏచూరి
||ఎర్రజండ||
గొప్ప పదవులు వదలి ఏచూరి పేదోళ్లకై నిలిచె ఏచూరి
యోధుల్ల అడుగుల్లో ఏచూరి పదునెక్క తానెంతో ఏచూరి
||ఎర్రజండ||
విద్యార్థిగా మొదలు ఏచూరి విప్లవారుణ తార ఏచూరి
||ఎర్రజండ||
విజ్ఞాన ఖని తాను ఏచూరి విశాలమగు చూపు ఏచూరి
||ఎర్రజండ||
శ్రమజీవుల కొరకు ఏచూరి సామ్యవాదం బాట ఏచూరి
ఎదురుదెబ్దేదైన ఏచూరి మునుముందుకే సాగె ఏచూరి
||ఎర్రజండ||
మత రాజకీయాల ఏచూరి మర్మాన్ని చూపాడు ఏచూరి
||ఎర్రజండ||
రాజ్యాంగ రక్షణకు ఏచూరి రణభేరి మోగించే ఏచూరి
||ఎర్రజండ||
లౌకిక భావులను ఏచూరి ఏకమే చేసెలే ఏచూరి
||ఎర్రజండ||
జగమంత తిరిగాడు ఏచూరి ప్రగతి శక్తుల కలిపే ఏచూరి
||ఎర్రజండ||
ఏమి కోరినాడు ఏచూరి ఏదైన దేశమనే ఏచూరి
||ఎర్రజండ||
కనుమూసినా తాను ఏచూరి కనుపాపగా నిలుచు ఏచూరి.
||ఎర్రజండ||
నీ తోవలో నడిచి ఏచూరి నీ కలలు పండిస్తాము ఏచూరి
||ఎర్రజండ||
తెలుగువాళ్ళ ఘనత ఏచూరి చెరిగిపోని చరిత ఏచూరి
– తెలకపల్లి రవి
