వెంకటేష్‌, మీనాక్షిచౌదరి, ఐశ్వర్య రాజేష్‌ కాంబినేషన్‌లో రూపొందుతున్న చిత్రం ”సంక్రాంతికి వస్తున్నాం’. అనిల్‌ రావిపూడి దర్శకత్వం వహిస్తున్న ఈ చిత్రాన్ని శ్రీ వెంకటేశ్వర క్రియేషన్స్‌ నిర్మిస్తోంది. మొదటి రెండు పాటలకు చార్ట్‌బస్టర్‌ రెస్పాన్స్‌ వచ్చింది. ఫస్ట్‌ సింగల్‌ ‘గోదారి గట్టు’ గ్లోబల్‌ టాప్‌ 20 వీడియోస్‌ లిస్టులో ప్రవేశించగా, సెకండ్‌ సింగిల్‌ ‘మీను’ కూడా అన్ని మ్యూజిక్‌ చార్టులలో అగ్రస్థానంలో ఉంది. తాజాగా మేకర్స్‌ థర్డ్‌ సింగల్‌ ‘పొంగల్‌..’ సాంగ్‌ అప్డేట్‌ ఇచ్చారు. ఈనెల 30న ఈ సాంగ్‌ని రిలీజ్‌ చేయనున్నారు. సాంగ్‌ అనౌన్స్‌ మెంట్‌ పోస్టర్‌ హీరో వెంకటేష్‌, హీరోయిన్స్‌ మీనాక్షి చౌదరి, ఐశ్వర్య రాజేష్‌ కలర్‌ ఫుల్‌, సిగేచర్‌ డ్యాన్స్‌ మూమెంట్‌ తో కనిపిస్తూ సర్‌ప్రైజ్‌ చేస్తున్నారు. ఈ సాంగ్‌ కోసం భీమ్స్‌ సిసిరోలియో సంక్రాంతి ఫెస్టివల్‌ వైబ్‌ని హైలైట్‌ చేసే మరో అద్భుతమైన నెంబర్‌ని కంపోజ్‌ చేశారు. వెంకటేష్‌ స్వయంగా ఈ పాట పాడటం బిగ్గెస్ట్‌ ఎట్రాక్షన్‌. ఈ ఎనర్జిటిక్‌, కలర్‌ఫుల్‌ నెంబర్‌కు భాను మాస్టర్‌ కొరియోగ్రఫీ చేశారు. ఈ సాంగ్‌ సినిమా మెయిన్‌ హైలెట్‌లలో ఒకటిగా ఉంటుంది. ఈ చిత్రంలో వెంకటేష్‌ ఎక్స్‌ పోలీస్‌ పాత్రలో, ఐశ్వర్య రాజేష్‌ అతని భార్యగా, మీనాక్షి చౌదరి ఎక్స్‌ లవర్‌గా కనిపించనున్నారు. ఈ సినిమా జనవరి 14న సంక్రాంతి కానుకగా విడుదల కానుంది అది చిత్ర బృందం తెలిపింది. ఈ చిత్రానికి రచన, దర్శకత్వం: అనిల్‌ రావిపూడి, సమర్పణ: దిల్‌ రాజు, నిర్మాత: శిరీష్‌, సంగీతం: భీమ్స్‌ సిసిరోలియో, డీవోపీ: సమీర్‌ రెడ్డి, ప్రొడక్షన్‌ డిజైనర్‌: ఏ.ఎస్‌.ప్రకాష్‌, ఎడిటర్‌: తమ్మిరాజు, యాక్షన్‌ డైరెక్టర్‌: వి.వెంకట్‌.
