వరల్డ్‌ వైడ్‌గా ఛాట్‌ బస్టర్స్‌లో నిలిచిన ‘హీరియే’ సాంగ్‌ తర్వాత మ్యూజిక్‌ కంపోజర్‌, సింగర్‌ జస్లీన్‌ రాయల్‌ తన కొత్త సాంగ్‌ ‘సాహిబా’తో మరోసారి మ్యూజిక్‌ లవర్స్‌ ముందుకొచ్చారు. ఈ మ్యూజిక్‌ ఆల్బమ్‌లో హీరో విజరు దేవరకొండ నటించారు. విజరుకు జోడీగా రాధిక మదన్‌ కనిపించారు. ఈ జంట స్క్రీన్‌ ప్రెజెన్స్‌ ఈ మ్యూజిక్‌ ఆల్బమ్‌కు ఆకర్షణగా నిలుస్తోంది. శుక్రవారం మేకర్స్‌ ఈ సాంగ్‌ను విడుదల చేశారు. ఈ మ్యూజిక్‌ ఆల్బమ్‌కు సుధాంశు సరియా దర్శకత్వం వహించారు. తన సరికొత్త సంగీత శైలి, భావోద్వేగాలతో ఈ పాటను శ్రోతల ముందుకు తీసుకొచ్చారు జస్లీన్‌ రాయల్‌. వింటేజ్‌ బ్యాక్‌డ్రాప్‌లో ఈ పాట చిరకాలం మ్యూజిక్‌ లవర్స్‌ మనసుల్లో నిలిచిపోయేలా రూపొందించారు. ఈ సాంగ్‌లో విజరు దేవరకొండ ఫోటోగ్రాఫర్‌గా కనిపించారు. ఫీల్‌గుడ్‌ లవ్‌ సాంగ్‌గా ‘సాహిబా’ మ్యూజిక్‌ వీడియో సంగీత ప్రపంచంలో ఒక కొత్త సెన్సేషన్‌ క్రియేట్‌ చేయనుంది అని మేకర్స్‌ తెలిపారు.
