రామ్‌ చరణ్‌ హీరోగా శంకర్‌ దర్శకత్వంలో రూపొందుతున్న పాన్‌ ఇండియా చిత్రం ‘గేమ్‌ చేంజర్‌’. శ్రీ వెంకటేశ్వర సినీ క్రియేషన్స్‌ బ్యానర్‌ పై నిర్మాతలు దిల్‌ రాజు, శిరీష్‌ నిర్మిస్తున్నారు. ‘ఆర్‌ఆర్‌ఆర్‌’ వంటి సెన్సేషనల్‌ బ్లాక్‌ బస్టర్‌ మూవీ తర్వాత రామ్‌ చరణ్‌ నటిస్తున్న సినిమా కావటంతో ఈ సినిమాపై భారీ అంచనాలు నెలకొన్నాయి. అలాగే సౌత్‌ ఇండియన్‌ సినిమా రేంజ్‌ను నెక్ట్స్‌ లెవల్‌కి తీసుకెళ్లిన సెన్సేషనల్‌ డైరెక్టర్‌ శంకర్‌ మేకింగ్‌ ఎలా ఉంటుందో ప్రత్యేకంగా చెప్పనక్కర్లేదు. ఇప్పటి వరకు ఆయన తెరకెక్కించిన సినిమాలను మించేలా ఈ చిత్రాన్ని ఆయన రూపొందిస్తున్నారు. లార్జర్‌ దేన్‌ లైఫ్‌ క్యారెక్టర్‌తో చరణ్‌ను ప్రెజెంట్‌ చేస్తున్నారు. ప్రస్తుతం సినిమా షూటింగ్‌ శరవేగంగా జరుగుతోంది. ఈ నేపథ్యంలో దసరా సందర్భంగా మేకర్స్‌ ఈ సినిమాకు సంబంధించి సరికొత్త పోస్టర్‌ను రిలీజ్‌ చేశారు. దీంతో పాటు మరో అమేజింగ్‌ అప్‌డేట్‌ను అందించారు. దీపావళి సందర్భంగా ఈ సినిమా నుంచి తొలి సాంగ్‌ను విడుదల చేస్తున్నారు. రామ్‌ చరణ్‌, డైరెక్టర్‌ శంకర్‌లతో పాటు ఎస్‌.ఎస్‌.తమన్‌ కలిసి తొలిసారి వర్క్‌ చేస్తున్న ఈ సినిమా ఇది. ఈ తొలిపాటను పాన్‌ ఇండియా రేంజ్‌లో దీపావళికి గ్రాండ్‌ లెవల్లో రిలీజ్‌ చేయటానికి చిత్ర యూనిట్‌ సన్నాహాలు చేస్తోంది.
