హీరో సూర్య నటిస్తున్న తాజా చిత్రం ‘కంగువ’. తమిళ కొత్త సంవత్సరం పూతండు ఫెస్టివల్‌ సందర్భంగా ఈ సినిమా నుంచి కొత్త పోస్టర్‌ని మేకర్స్‌ రిలీజ్‌ చేశారు. కత్తి పట్టిన యుద్ధ వీరుడు కంగువ, మోడరన్‌ వారియర్‌గా సూర్య ఎదురెదురుగా నిల్చున్న పోస్టర్‌ అందరినీ అలరిస్తోంది. గతం, వర్తమానం ఢకొీంటే కొత్త భవిష్యత్‌ మొదలవుతుంది అని ఈ పోస్టర్‌లో క్యాప్షన్‌గా రాశారు. దీంతో ఈ కొత్త పోస్టర్‌ సినిమా మీద మరింత ఆసక్తి రేకెత్తిస్తోంది. ఈ చిత్రాన్ని భారీ పీరియాడిక్‌ యాక్షన్‌ ఫిల్మ్‌గా దర్శకుడు శివ రూపొందిస్తున్నారు. దిశా పటానీ, బాబీ డియోల్‌ కీలక పాత్రల్లో నటిస్తున్న ఈ చిత్రాన్ని స్టూడియో గ్రీన్‌, యూవీ క్రియేషన్స్‌ బ్యానర్స్‌ పై కేఈ జ్ఞానవేల్‌ రాజా, వంశీ, ప్రమోద్‌ నిర్మిస్తున్నారు. పది భాషల్లో తెరకెక్కుతున్న ఈ చిత్రం త్రీడీలోనూ ప్రేక్షకుల ముందుకు రానుంది. పలు అంతర్జాతీయ భాషల్లోనూ రిలీజ్‌ చేసేందుకు సన్నాహాలు చేస్తున్నారు. త్వరలోనే ఈ సినిమా గ్రాండ్‌ థియేట్రికల్‌ రిలీజ్‌ డేట్‌ను మేకర్స్‌ అనౌన్స్‌ చేయనున్నారు.
