– 31లోగా ఆన్‌ లైన్‌లో దరఖాస్తులు : కార్యదర్శి డాక్టర్‌ మల్లయ్య భట్టు
నవతెలంగాణ బ్యూరో-హైదరాబాద్‌
మహాత్మా జ్యోతిబాఫూలే తెలంగాణ వెనుకబడిన తరగతుల సంక్షేమ వ్యవసాయ మహిళా డిగ్రీ కళాశాలలలో బీఎస్‌సీ మొదటి సంవత్సరంలో ప్రవేశం కోసం ఈ నెల 31లోగా ఆన్‌ లైన్‌లో దరఖాస్తులు చేసుకోవాలని మహాత్మా జ్యోతిబాఫూలే తెలంగాణ వెనుకబడిన తరగతుల సంక్షేమ గురుకుల విద్యాలయాల సంస్థ కార్యదర్శి మల్లయ్యభట్టు ఆదివారం ఒక ప్రకటనలో తెలిపారు. 2023-24 విద్యా సంవత్సరంలో ఎంసెట్‌- 2023 ప్రవేశ పరీక్షలో అర్హత సాధించిన విద్యార్థినులు https://mjptbcwreis. telangana.gov.in ద్వారా దరఖాస్తు చేసుకోవాలని సూచించారు. ఎంసెట్‌-2023 ప్రవేశ పరీక్షలో సాధించిన ర్యాంకు, రిజర్వేషన్‌ ప్రాతిపదికన విద్యార్థులను ఎంపిక చేస్తామని ఆయన తెలిపారు. సీటు సాధించిన విద్యార్థినీలు కాలేజి హాస్టల్‌లోనే ఉండాలనీ, డే-స్కాలర్స్‌ విధానం ఉండదని స్పష్టం చేశారు. గ్రామీణ ప్రాంతాల్లో నివసిస్తున్న విద్యార్థుల తల్లిదండ్రుల వార్షికాదాయం రూ.1,50,000,పట్టణ ప్రాంతాల్లో నివసించే వారి వార్షిక ఆ దాయం రూ.2,00,000 మించని విద్యార్థినీలు మాత్రమే అర్హులని తెలిపారు .దరఖాస్తు చేయడంలో ఏమైనా సందేహాలు ఉంటే కార్యాలయ పనివేళల్లో 040-23328266 ఫోన్‌ నెంబర్లో సంప్రదించవచ్చని ఆయన సూచించారు.
