‘ఏపీ ముఖ్యమంత్రి, ఉప ముఖ్యమంత్రులను సినీ పరిశ్రమ తరఫున అభినందించడానికి అపాయింట్మెంట్‌ అడిగాం. మా విజ్ఞాపనకు ఉప ముఖ్యమంత్రి పవన్‌ కళ్యాణ్‌ సానుకూలంగా స్పందించారు. అలాగే ముఖ్యమంత్రి చంద్రబాబు నాయుడుతో మాట్లాడతానని ఆయన హామీ ఇచ్చారు’ అని నిర్మాత అల్లు అరవింద్‌ తెలిపారు. సోమవారం మధ్యాహ్నం విజయవాడలోని క్యాంపు కార్యాలయంలో తెలుగు సినీ నిర్మాతలు ఉప ముఖ్యమంత్రి పవన్‌ కళ్యాణ్‌తో సమావేశమయ్యారు. ఈ సమావేశంలో రాష్ట్ర పర్యాటక సినిమాటోగ్రఫి శాఖ మంత్రి కందుల దుర్గేష్‌, నిర్మాతలు సి.అశ్వనీదత్‌, ఎ.ఎం.రత్నం, డి.సురేష్‌ బాబు, ఎస్‌.రాధాకష్ణ (చినబాబు), దిల్‌ రాజు, భోగవల్లి ప్రసాద్‌, డి.వి.వి.దానయ్య, సుప్రియ, ఎన్‌.వి.ప్రసాద్‌, బన్నీ వాసు, నవీన్‌ ఎర్నేని, నాగవంశీ, టి.జి.విశ్వప్రసాద్‌, వంశీ కష్ణ, వై.రవిశంకర్‌ తదితరులు పాల్గొన్నారు. ఈ నేపథ్యంలో అల్లు అరవింద్‌ మాట్లాడుతూ, ‘తెలుగు చిత్ర పరిశ్రమలో ఉన్న సమస్యలపై పూర్తి స్థాయిలో చర్చించలేదు. త్వరలోనే మరోసారి కలిసి చిత్ర పరిశ్రమ సమస్యలు, రాష్ట్రంలో సినీ రంగ విస్తరణకు ఉన్న అవకాశాలపై చర్చిస్తాం’ అని అన్నారు.
