మాజీ సీఎం ఎన్టీఆర్ సేవలు మరువలేనివి

మాజీ సీఎం నందమూరి తారక రామారావు ఉమ్మడి రాష్ట్రానికి చేసిన సేవలు మరువలేనివని టీడీపీ నియోజకవర్గ ఇన్చార్జి బత్తుల శ్రీనివాస్ అన్నారు. గురువారం హుస్నాబాద్ పట్టణ కేంద్రంలో ఎన్టీ రామారావు 28వ వర్ధంతి వేడుకలను ఘనంగా నిర్వహించారు . ఎన్టీ రామారావు చిత్రపటానికి పూల మాలలు వేసి నివాళులర్పించారు. ఈ సందర్భంగా ఆయన  మాట్లాడుతూ ఉమ్మడి ఆంధ్రప్రదేశ్ లో ఎన్టీ రామారావు ఎన్నో సంక్షేమ పథకాలు చేపట్టి ప్రజల మనసుల్లో నిలిచాడని పేర్కొన్నారు. పేదల సంక్షేమం కోసం ఎంతో కృషి చేశాడని, ప్రజల హృదయాలలో చెరగని ముద్రగా ఎన్టీ రామారావు నిలిచాడని అన్నారు. ఈ కార్యక్రమంలో సీనియర్ నాయకులు పెరమండ్ల మల్లా గౌడ్, బత్తుల శంకర్, హాసన్ తదితరులు పాల్గొన్నారు.