చంద్రశేఖర్‌ రాథోడ్‌, కాశ్వీ కాంచన్‌ హీరో, హీరోయిన్లుగా నటిస్తున్న సినిమా ‘గ్యాంగ్‌స్టర్‌’. ఈ చిత్రంలో అభినవ్‌ జనక్‌, అడ్ల సతీష్‌ కుమార్‌, సూర్య నారాయణ తదితరులు ఇతర పాత్రల్లో కనిపించనున్నారు. వైల్డ్‌ వారియర్‌ ప్రొడక్షన్స్‌ పతాకంపై రవి, నరసింహా సమర్పణలో చంద్రశేఖర్‌ రాథోడ్‌ దర్శకత్వం వహిస్తున్న ఈ సినిమా అక్టోబర్‌ 25న ప్రపంచవ్యాప్తంగా థియేట్రికల్‌ రిలీజ్‌కు రెడీ అవుతోంది. తాజాగా ఈ చిత్ర విడుదల తేదీ పోస్టర్‌ని రచయిత సాయిమాధవ్‌ బుర్ర విడుదల చేశారు. ఈ సందర్భంగా ఆయన మాట్లాడుతూ, ‘సినిమా టీజర్‌, ట్రైలర్‌ ఇంకా పోస్టర్స్‌ అద్భుతంగా ఉన్నాయి. ఈ సినిమాకి కష్టపడిన ప్రతి ఒక్కరిని విజయం వరించాలని కోరుకుంటున్నాను’ అని అన్నారు. ‘రెండు గ్యాంగ్స్‌ మధ్య వార్‌ను మా డైరెక్టర్‌ చంద్రశేఖర్‌ ఆకట్టుకునేలా డిజైన్‌ చేశాడు. ప్రతి సీన్‌ రిచ్‌గా ఉంటుంది. ఈ చిత్రంలో నేనొక ఇంపార్టెంట్‌ రోల్‌ ప్లే చేశాను. మా అందరికీ మంచి పేరు తెచ్చే సినిమా అవుతుంది’ అని నటుడు అభినవ్‌ జనక్‌ చెప్పారు. డిస్టిబ్యూటర్‌ అచ్చిబాబు మాట్లాడుతూ, ‘సినిమా చాలా అద్భుతంగా వచ్చింది. టీజర్‌, ట్రైలర్‌తో సినిమా పై బజ్‌ మరింతగా పెరిగింది. ఈ సినిమాని మీరంతా థియేటర్లలో చూడాలని ఆశిస్తున్నాను’ అని తెలిపారు. ‘సినిమా అంటే నాకు చాలా ఇష్టం. అన్నపూర్ణ స్టూడియోస్‌లో డీఎఫ్‌టీ కోర్స్‌ చేశాను. దిల్‌ రాజు ట్రైలర్‌ చూసి బాగుందన్నారు. మా సినిమా తేదీ ప్రచార చిత్రాన్ని విడుదల చేసిన సాయి మాధవ్‌ బుర్రాకి ప్రత్యేక కతజ్ఞతలు. ఈ సినిమా అన్ని వర్గాల ప్రేక్షకులను అలరిస్తుందనే నమ్మకంతో ఉన్నాం’ అని హీరో, దర్శకుడు, నిర్మాత చంద్రశేఖర్‌ రాథోడ్‌ చెప్పారు. ఈ చిత్రానికి కెమెరామెన్‌ : జిఎల్‌. బాబు, ఆర్ట్‌ డైరెక్టర్‌ : విజరు సారధి, ఫైట్స్‌, కొరియోగ్రఫీ, ఎడిటింగ్‌, రచన, నిర్మాత దర్శకత్వం- చంద్రశేఖర్‌ రాథోడ్‌.
