నవతెలంగాణ – అశ్వారావుపేట : స్థానిక జిల్లాపరిషత్ బాలురు ఉన్నత పాఠశాలలో జాతీయ బాలికా దినోత్సవాన్ని బుధవారం ఘనంగా నిర్వహించారు.ఈ సందర్భంగా ప్రధానోపాధ్యాయురాలు హరిత మాట్లాడుతూ బాలికలు అన్ని రంగాల్లోనూ ముందువరుసలో ఉండాలని,లింగ అసమానత, పాఠశాల డ్రాపౌట్లు,ఆరోగ్య సంరక్షణ,బాల్యవివాహాలు వంటి సమస్యలతో పోరాడుతున్న సమాజంలో అన్ని సవాళ్లను ఎదుర్కోవాలని, విద్య ద్వారానే ఈ సవాళ్లను ఎదుర్కోవడం సాధ్యమవుతుందని కష్టపడి చదువుకుంటే ముందు జీవితమంతా సుఖంగా గడప వచ్చునని,జ్ఞాన సాధనాలు, అవకాశాలను అందిపుచ్చుకోవాలని అన్నారు. ఆరోగ్యసమస్యలను ఎదుర్కోవాలంటే పౌష్టిక హారాన్ని భుజించాలని అందుకేప్రభుత్వం పౌష్టకాహారంతో కూడిన మధ్యాహ్నభోజనం, రాగిజావలను అందిస్తుందని వీటిని వినియోగించుకొని ఆరోగ్యకరంగా తయారవ్వాలని అన్నారు. ఈ కార్యక్రమంలో ఉపాధ్యాయినీ,ఉపాధ్యాయులు పాల్గొన్నారు.
