మహతి ఎంటర్టైన్మెంట్ బ్యానర్ పై యు. శ్రీనివాసుల రెడ్డి, బి.నాగేశ్వర రెడ్డి, వహీద్ షేక్, కే.పురుషోత్తం రెడ్డి నిర్మించిన చిత్రం ‘లక్ష్మీ కటాక్షం’. ఈ చిత్ర ట్రైలర్ విడుదలై, విశేష ఆదరణ పొందుతోంది. ‘ప్రస్తుతం తెలుగు రాష్ట్రాల్లో జరుగుతున్న ఎలక్షన్స్ డేట్నే సినిమాలో ఎలక్షన్ డేట్ లాగా అనౌన్స్ చేశారు. డైలాగ్ కింగ్ సాయి కుమార్ తన పాతికేళ్ళ పొలిటికల్ కెరీర్ను నిలబెట్టుకోవడం కోసం ఈ ఎలక్షన్ను చాలా ప్రస్జేజ్గా తీసుకుంటాడు. మరో పక్క పోలీస్ ఆఫీసర్ ఎలాగైనా ఈ ఎలక్షన్లో ఒక్క రూపాయి కూడా పంచకుండా చూసుకుంటూ ఉంటాడు. ఇప్పుడు ఆ పోలీస్ బందోబస్త్ నుండి, తక్కువ టైంలో 100 కోట్లని, రెండు లక్షల మంది ఓటర్లకు, ఓటుకు 5000 చొప్పున ఎలా పంచుతారు అనే నేపథ్యంలో సినిమా కథ ఉండబోతున్నట్టు ట్రైలర్ చెప్పకనే చెప్పింది. కామెడీతో పాటు హుకింగ్ డ్రామా కూడా ఉంది ఈ ట్రైలర్లో ఉండటం విశేషం. ఒక పక్క సాయి కుమార్కి ఎలక్షన్ ఫండ్ రావడం ఒక ఛాలెంజ్ అయితే, ఇంకో పక్క లాస్ట్ మినిట్లో వచ్చిన ఫండ్ ఎలా పంచాలి అనేది ఇంకో ఛాలెంజ్, ఈ తరుణంలో చిరాకు పడి అన్ని దారులు మూసుకున్న సాయి కుమార్ లక్ష్మీ దేవిని ఎలక్షన్ ఫండ్ కటాక్షించమని డిమాండ్ చేస్తారు. లక్ష్మి దేవి ప్రత్యేక్షమవుతుంది. ఇలాంటి విభిన్నమైన కథాంశాలతో సాగే ఈ ‘లక్ష్మీ కటాక్షం’ త్వరలో ప్రేక్షకుల ముందుకు తీసుకుని వస్తున్నారు. వినరుజి, అరుణ్, దీప్తి వర్మ, చరిస్మా శ్రీకర్, హరి ప్రసాద్, సాయి కిరణ్ ఏడిద, ఆమని తదితరులు నటిస్తున్న ఈచిత్రానికి రచన, డైరెక్టర్: సూర్య, మ్యూజిక్: అభిషేక్ రుఫుస్, డి ఓ పి: నని ఐనవెల్లి, ఎడిటర్: ప్రదీప్ జే.