‘రాజావారు రాణిగారు’ సినిమాలో కలిసి నటించిన హీరో కిరణ్‌ అబ్బవరం, హీరోయిన్‌ రహస్య గోరక్‌ ఆ సినిమా చిత్రీకరణ సమయంలోనే పరస్పరం ఇష్టపడ్డారు. ఇప్పుడు పెద్దల అంగీకారంతో వైవాహిక బంధంలోకి అడుగుపెట్టారు. వీరి వివాహమహోత్సవం గురువారం రాత్రి కర్ణాటకలోని కూర్గ్‌లో ఘనంగా జరిగింది. కూర్గ్‌లోని ఓ రిసార్ట్‌లో కుటుంబ సభ్యులు, సన్నిహిత మిత్రుల సమక్షంలో వీరి వివాహ వేడుకలు జరిగాయి. కిరణ్‌ అబ్బవరం, రహస్య గోరక్‌ వివాహ వేడుకల ఫొటోలు, వీడియోలు సోషల్‌ మీడియాలో సందడి చేస్తున్నాయి. సినీ ప్రియులు, చిత్ర పరిశ్రమకు చెందిన మిత్రులు ఈ కొత్త జంటకు శుభాకాంక్షలు చెబుతూ పోస్ట్‌లు చేస్తున్నారు. కిరణ్‌ అబ్బవరం ప్రస్తుతం భారీ పీరియాడిక్‌ థ్రిల్లర్‌ మూవీ ‘క’ లో నటిస్తున్నారు. ఈ త్వరలోనే ఈ సినిమా పాన్‌ ఇండియా రిలీజ్‌ కు రెడీ అవుతోంది.
