నాగ చైతన్య నటిస్తున్న మోస్ట్‌ ఎవైటెడ్‌ లవ్‌, యాక్షన్‌ ఎంటర్‌టైనర్‌ ‘తండేల్‌’. చందూ మొండేటి దర్శకత్వం వహించిన ఈ చిత్రాన్ని గీతా ఆర్ట్స్‌ బ్యానర్‌పై బన్నీ వాసు నిర్మించారు. మొదటి రెండు పాటలు ‘బుజ్జి తల్లి, నమో నమః శివాయ’కు అద్భుతమైన రెస్పాన్స్‌ వచ్చిన తర్వాత మేకర్స్‌ దేవి శ్రీ ప్రసాద్‌ స్వరపరిచిన థర్డ్‌ సింగిల్‌ ‘హైలెస్సో హైలెస్సా..’ను విడుదల చేశారు. ఈ సాంగ్‌ లాంగ్‌ డిస్టెన్స్‌ రిలేషన్స్‌ షిప్‌ని, ఎదురుచూపులని, నాగ చైతన్య, సాయి పల్లవి మధ్య ఉన్న అనుబంధాన్ని, అనురాగాన్ని అద్భుతంగా ప్రజెంట్‌ చేసిది. వండర్‌ ఫుల్‌ మోలోడీస్‌ని కంపోజ్‌ చేయడంలో మాస్టర్‌ అయిన దేవి శ్రీ ప్రసాద్‌ హదయాన్ని తాకే మరొక లవ్‌ మెలోడీని కంపోజ్‌ చేశారు. శ్రేయ ఘోషల్‌, నకాష్‌ అజీజ్‌ వోకల్స్‌ మెలోడీని మరింత ఎలివేట్‌ చేశాయి. శ్రీమణి లిరిక్స్‌ విడదీయరాని ప్రేమని చాలా గొప్పగా ప్రజెంట్‌ చేశాయి. సాయి పల్లవి, నాగ చైతన్య కెమిస్ట్రీ బ్యూటీఫుల్‌గా ఉంది. అద్భుతమైన విజువల్స్‌, వోకల్స్‌, కంపోజిషన్‌తో ఈ పాట బ్లాక్‌బస్టర్‌ లవ్‌ సాంగ్‌గా నిలిచింది అని చిత్ర యూనిట్‌ తెలిపింది. ఈ సినిమా ఫిబ్రవరి 7న విడుదల కానుంది. ఈ చిత్రానికి రచన, దర్శకత్వం: చందూ మొండేటి, సమర్పణ: అల్లు అరవింద్‌, నిర్మాత: బన్నీ వాసు, సంగీతం: దేవి శ్రీ ప్రసాద్‌, డిఓపీ: శ్యామ్‌దత్‌, ఎడిటర్‌: నవీన్‌ నూలి, ఆర్ట్‌: శ్రీనాగేంద్ర తంగల.
