నవతెలంగాణ – నసురుల్లాబాద్ బాన్సువాడ పట్టణంలోని బీఆర్ఎస్ పార్టీ కార్యాలయంలో మంగళవారం రాత్రి మున్సిపాలిటీ మాజీ వైస్ ఛైర్మన్ షేక్ జుబేర్ ను నసురుల్లాబాద్ మండలం నాచుపల్లి, వర్ని మండలం జలల్ పూర్ గ్రామాలకు చెందిన బీఆర్ఎస్ నాయకులు, కార్యకర్తలు మర్యాదపూర్వకంగా కలిసి సన్మానం చేశారు. ఈ సందర్భంగా ఆయన పట్టణంలోని పలు కాలనీలో చేసిన సేవలను కొనియాడారు. బాన్సువాడ నియోజకవర్గం లో బిఆర్ఎస్ పార్టీ బలోపేతం కోసం మరింత కృషి చేయాలని వారు జుబేర్ ను కోరారు. ఈ కార్యక్రమంలో వివిధ గ్రామాలకు చెందిన నాయకులు కార్యకర్తలు తదితరులు పాల్గొన్నారు.
