రావు రమేష్‌ కథానాయకుడిగా టైటిల్‌ రోల్‌ పోషించిన సినిమా ‘మారుతీ నగర్‌ సుబ్రమణ్యం’. లక్ష్మణ్‌ కార్య దర్శకత్వం వహించారు. రావు రమేష్‌ సరసన ఇంద్రజ నటించారు. అంకిత్‌ కొయ్య, రమ్య పసుపులేటి, హర్షవర్ధన్‌ కీలక పాత్రధారులు. పీబీఆర్‌ సినిమాస్‌, లోకమాత్రే సినిమాటిక్స్‌ సంస్థలపై ఈ సినిమా రూపొందుతోంది. బుజ్జి రాయుడు పెంట్యాల, మోహన్‌ కార్య నిర్మాతలు. ఇటీవల విడుదల చేసిన ఫస్ట్‌ లుక్‌ ఫెంటాస్టిక్‌ రెస్పాన్స్‌ అందుకుంది. ఇప్పటి వరకు సినిమా చరిత్రలో ఎవరూ చేయని విధంగా ప్రేక్షకులతో క్యూఆర్‌ కోడ్‌ స్కాన్‌ చేయించి, ఫస్ట్‌ లుక్‌ విడుదల చేసిందీ చిత్ర టీమ్‌. తాజాగా సినిమా టైటిల్‌ సాంగ్‌ విడుదల చేశారు. ‘మారుతీ నగర్‌ లో ఫేమస్‌ అంటే నేనేలే…అందరూ ఇదే మాట అంటారులే..’ అంటూ సాగిన ఈ గీతాన్ని సెన్సేషనల్‌ క్రేజీ సింగర్‌ రామ్‌ మిరియాల ఆలపించారు. కళ్యాణ్‌ నాయక్‌ అందించిన బాణీకి అందరూ పాడుకునేలా చక్కటి సాహిత్యం అందించారు భాస్కరభట్ల. లోధా మ్యూజిక్‌ యూట్యూబ్‌ ఛానల్‌లో సాంగ్‌ రిలీజ్‌ అయ్యింది. సినిమాలో రావు రమేష్‌ క్యారెక్టరైజేషన్‌ వివరిస్తూ సాగిందీ ‘మారుతీ నగర్‌ సుబ్రమణ్యం’ టైటిల్‌ సాంగ్‌. చుట్టుపక్కల ప్రజలు సలహాలు ఇచ్చినా పట్టించుకోనని, తనకు అదష్టం తక్కువ ఉంది గానీ, త్వరలో మహారాజ యోగం పడుతుందని చెప్పే పాత్రలో హీరో కనిపించనున్నారు. ఈ సందర్భంఆ దర్శక, నిర్మాతలు మాట్లాడుతూ, ‘లుంగీలో రావు రమేష్‌ గారి లుక్‌ బావుందని వాట్సాప్‌, సోషల్‌ మీడియాలో ఎంతో మంది మెసేజెస్‌ చేశారు. ఆయన్ను చూస్తే నేటివ్‌ ఫీలింగ్‌ వచ్చిందన్నారు. సినిమా సైతం అలాగే ఉంటుంది. వినోదంతో పాటు మంచి కథ, భావోద్వేగాలు సైతం సినిమాలో ఉన్నాయి. త్వరలో ట్రైలర్‌, సినిమా విడుదల తేదీలు వెల్లడిస్తాం’ అని చెప్పారు.
