ప్రియదర్శి, నభా నటేష్‌ లీడ్‌ రోల్స్‌లో నటిస్తున్న యూనిక్‌ రొమాంటిక్‌ కామెడీ ఎంటర్‌టైనర్‌ ‘డార్లింగ్‌’. అశ్విన్‌ రామ్‌ దర్శకత్వం వహిస్తున్నారు. ప్రైమ్‌షో ఎంటర్‌టైన్‌మెంట్‌ కె నిరంజన్‌ రెడ్డి, శ్రీమతి చైతన్య నిర్మించిన ఈ చిత్రం ఈనెల 19న ప్రపంచ వ్యాప్తంగా విడుదల కానుంది. ఈ నేపథ్యంలో హీరోయిన్‌ నభా నటేష్‌ మీడియాతో పలు విశేషాలను షేర్‌ చేసుకున్నారు. ‘డైరెక్టర్‌ అశ్విన్‌ రామ్‌ ఈ కథ చెప్పినప్పుడు నాకు చాలా బాగా నచ్చింది. నా క్యారెక్టర్‌ ఇంకా బాగా నచ్చింది. ఇది చాలా ఛాలెజింగ్‌ రోల్‌. ఇప్పటివరకూ ఇలాంటి రోల్‌ చేయలేదు. స్ప్లిట్‌ పర్సనాలిటీ ఉన్న ఈ పాత్రని పెర్ఫార్మ్‌ చేయడం చాలా సవాల్‌గా అనిపించింది. మొత్తానికి నా డ్రీమ్‌ రోల్‌ చేయటం చాలా ఆనందంగా ఉంది. కామెడీ, లవ్‌ స్టొరీ ఎంటర్‌టైనర్‌లో ఇలాంటి క్యారెక్టర్‌ పెట్టడం చాలా ఆసక్తికరంగా అనిపించింది. మంచి కథ కోసం ఎదురుచూస్తున్న సమయంలో వచ్చిన అద్భుతమైన స్క్రిప్ట్‌ ఇది. బేసిగ్గా నేను ఎంటర్‌టైనింగ్‌గా ఉండే రోల్స్‌ని పిక్‌ చేయడానికి బాగా ఇష్టపడతాను. చిన్నప్పటినుంచి ఫన్‌ అండ్‌ ఎంటర్టైనింగ్‌ సినిమాలు చూస్తూనే పెరిగాను. ఫన్‌, లవ్‌, ఫ్యామిలీ డ్రామా, థ్రిల్లర్‌ ఎలిమెంట్స్‌ ఇలా అన్నీ ఉన్న కంప్లీట్‌ ఎంటర్‌టైనర్‌ ఇది. ప్రియదర్శితో కలిసి వర్క్‌ చేయడం చాలా బావుంది. మాఇద్దరి మధ్య నడిచే కథ. నా యాక్షన్‌కి ఆయన రియాక్షన్‌ చాలా ఇంపార్టెంట్‌. మా కెమిస్ట్రీ అద్భుతంగా వర్క్‌ అయ్యింది. తన కామెడీ టైమింగ్‌ చాలా నేచురల్‌గా వచ్చేస్తుంది. డైరెక్టర్‌ అశ్విన్‌ రామ్‌ చాలా క్లారిటీ ఉన్న దర్శకుడు. చాలా అద్భుతమైన స్క్రిప్ట్‌ రాశారు. తను ఈ సబ్జెక్ట్‌ని హ్యాండిల్‌ చేసిన విధానం అద్భుతం. ప్రైమ్‌షో ఎంటర్‌టైన్‌మెంట్‌ నిర్మాతలు సినిమాకి కావాల్సిన ప్రతీదీ ఎక్కడా కాంప్రమైజ్‌ కాకుండా సమకూర్చారు’.
