సుధీర్‌ బాబు నటిస్తున్న నయా సినిమా ‘మా నాన్న సూపర్‌ హీరో’. అభిలాష్‌ రెడ్డి కంకర దర్శకత్వం వహిస్తున్న ఈ చిత్రాన్ని సీఏఎం ఎంటర్‌టైన్‌మెంట్‌తో కలిసి వి.సెల్యులాయిడ్స్‌ బ్యానర్‌పై సునీల్‌ బలుసు నిర్మిస్తున్నారు. తాజాగా మేకర్స్‌ ‘నాన్న..’ అంటూ సాంగ్‌ని రిలీజ్‌ చేసి మ్యూజికల్‌ ప్రమోషన్స్‌ స్టార్ట్‌ చేశారు. ప్రతి కొడుకు తన తండ్రికి హార్ట్‌ఫుల్‌గా రాసే ప్రేమ లేఖ లాంటి అనుభవాన్ని ఇచ్చే ఈ సాంగ్‌లో కొడుకు తన తండ్రి పట్ల ఉన్న ప్రేమ, అభిమానాన్ని అందంగా ప్రజెంట్‌ చేశారు. తన తండ్రి తనను పూర్తిగా నెగ్లెట్‌ చేసినప్పటికీ, అతనితో సమయం గడపడానికి కొడుకు ఆనందపడతాడు. జై కృష్ణ అద్భుతమైన నెంబర్‌ని స్కోర్‌ చేశారు. లక్ష్మీ ప్రియాంక లిరిక్స్‌ భావోద్వేగాలను ఇంటెన్స్‌గా ప్రజెంట్‌ చేస్తోంది. నజీరుద్దీన్‌ వోకల్స్‌ డెప్త్‌ని యాడ్‌ చేశాయి. రాజు సుందరం కొరియోగ్రఫీ ఇంపాక్ట్‌ ఫుల్‌గా ఉంది. సుధీర్‌ బాబు కూల్‌గా కనిపించారు. షాయాజీ షిండే యారగెంట్‌ ఫాదర్‌గా తన నేచర్‌ చూపించారు. ఈ సాంగ్‌ విజువల్స్‌ హత్తుకునేలా ఉన్నాయి. ఈ సాంగ్‌ తండ్రీ కొడుకుల బాండింగ్‌కి మెమరబుల్‌ ట్రిబ్యూట్‌లా ఉంది అని చిత్ర యూనిట్‌ తెలిపింది. ఆర్ణ హీరోయిన్‌గా నటిస్తున్న ఈ మూవీలో సాయిచంద్‌, రాజు సుందరం, శశాంక్‌, ఆమని కీలక పాత్రలు పోషిస్తున్నారు. అక్టోబర్‌ 11న ఈ సినిమా విడుదల కానుంది.
