వెన్నెల కిషోర్‌, అనన్య నాగళ్ల ప్రధాన పాత్రధారులుగా రైటర్‌ మోహన్‌ దర్శకత్వంలో రూపొందుతున్న క్రైమ్‌ కామెడీ థ్రిల్లర్‌ ‘శ్రీకాకుళం షెర్లాక్‌ హౌమ్స్‌’. శ్రీ గణపతి సినిమాస్‌ బ్యానర్‌ పై లాస్య రెడ్డి సమర్పణలో వెన్నపూస రమణ రెడ్డి ఈ సినిమాని నిర్మిస్తున్నారు. ఇప్పటికే విడుదలైన ఫస్ట్‌ లుక్‌ పోస్టర్‌, టైటిల్‌ సాంగ్‌కి చాలా మంచి రెస్పాన్స్‌ వచ్చింది. తాజాగా మేకర్స్‌ ‘ప్రేమించానే పిల్లా..’ సాంగ్‌ని రిలీజ్‌ చేశారు. సునీల్‌ కశ్యప్‌ ఈ సాంగ్‌ని క్యాచీ బీట్స్‌తో లవ్లీ మెలోడీగా కంపోజ్‌ చేశారు. పూర్ణాచారి ఆకట్టుకునే లిరిక్స్‌ అందించగా, రాహుల్‌ సిప్లిగంజ్‌ హై ఎనర్జిటిక్‌ వోకల్స్‌ పాటకు మరింత ఎట్రాక్షన్‌ని తీసుకొచ్చాయి. ఈ సాంగ్‌ ఇన్స్టంట్‌ హిట్‌గా నిలిచింది అని చిత్ర బృందం తెలిపింది. సీయా గౌతమ్‌, స్నేహ గుప్తా, రవితేజ మహాద్యం, బాహుబలి ప్రభాకర్‌, మురళీధర్‌ గౌడ్‌, బద్రం, అనీష్‌ కురివెళ్ల, నాగ మహేష్‌, మచ్చ రవి, ప్రభావతి, సంగీత, ఎంవీఎన్‌ కశ్యప్‌ తదితరులు నటిస్తున్న ఈ చిత్రానికి సమర్పణ: లాస్య రెడ్డి, ఎగ్జిక్యూటివ్‌ ప్రొడ్యూసర్‌ : రాజేష్‌ రామ్‌ బాల, సంగీతం: సునీల్‌ కశ్యప్‌, డీవోపీ: మల్లికార్జున్‌ ఎన్‌, ఎడిటర్‌ : అవినాష్‌ గుర్లింక, ఆర్ట్‌ డైరెక్టర్‌ : బేబీ సురేష్‌, స్టంట్స్‌: డ్రాగన్‌ ప్రకాష్‌.
