పలు సూపర్‌ హిట్‌ సీరియల్స్‌, సినిమాల్లో నటించి పాన్‌ ఇండియా వీక్షకుల ఆదరణ పొందడంతో పాటు సోషల్‌ మీడియాలో ఎంతో క్రేజ్‌ తెచ్చుకున్న హీరోయిన్‌ జ్యోతి పూర్వజ్‌. ఆమె ప్రధాన పాత్రలో ‘శుక్ర’, ‘మాటరాని మౌనమిది’, ‘ఏ మాస్టర్‌ పీస్‌’ వంటి డిఫరెంట్‌ సినిమాలతో అందరినీ ఆకట్టుకుంటున్న దర్శకుడు పూర్వాజ్‌. వీరిద్దరి కాంబోలో ‘కిల్లర్‌’ అనే యాక్షన్‌ థ్రిల్లర్‌ మూవీ తెరకెక్కుతోంది. ఏయు అండ్‌ ఐ, మెర్జ్‌ ఎక్స్‌ ఆర్‌ సంస్థతో కలిసి థింక్‌ సినిమా బ్యానర్‌ పై ఈ చిత్రాన్ని నిర్మిస్తున్నారు. పూర్వాజ్‌ ప్రజరు కామత్‌, ఎ. పద్మనాభరెడ్డి కలయికలో నిర్మాణమవుతున్న రెండవ చిత్రమిది.ఈ చిత్రంలో పూర్వాజ్‌ కూడా ఓ కీలక పాత్రలో నటిస్తున్నారు. ఆదివారం ‘కిల్లర్‌’ పార్ట్‌ 1: డ్రీమ్‌ గర్ల్‌ మూవీ నుంచి జ్యోతి పూర్వజ్‌ క్యారెక్టర్‌ ఫస్ట్‌ లుక్‌ తో పాటు మోషన్‌ పోస్టర్‌ని రిలీజ్‌ చేశారు. చేతిలో గొడ్డలి పట్టుకున్న పవర్‌ఫుల్‌ మహిళా రోబోను పరిచయం చేశారు. ఆ రోబో జ్యోతి పూర్వజ్‌ క్యారెక్టర్‌గా మారడం ఆసక్తికరంగా ఉంది. జ్యోతి పూర్వజ్‌ క్యారెక్టర్‌ లుక్‌లో ఆమె ఒక భుజానికి వెజిటేబుల్స్‌ బ్యాగ్‌, మరో చేతిలో గొడ్డలి పట్టుకుని ఉంది. అద్దంలో ఆమె రిఫ్లెక్షన్‌ పవర్‌ ఫుల్‌ ఉమెన్‌ రోబోను చూపిస్తోంది. మోషన్‌ పోస్టర్‌లో చూపించిన ఎలిమెంట్స్‌ అన్నీ ఈ మూవీపై క్యూరియాసిటీ క్రియేట్‌ చేస్తున్నాయి. ఈ చిత్రానికి సినిమాటోగ్రఫీ – జగదీశ్‌ బొమ్మిశెట్టి, మ్యూజిక్‌ – అషీర్‌ ల్యూక్‌, సుమన్‌ జీవరత్నం, నిర్మాతలు – పూర్వాజ్‌, ప్రజరు కామత్‌, ఎ.పద్మనాభరెడ్డి, రచన- దర్శకత్వం : పూర్వాజ్‌.
