పవన్ కళ్యాణ్ హీరోగా నటిస్తున్న చిత్రం ‘హరి హర వీరమల్లు పార్ట్‌-1 స్వార్డ్‌ వర్సెస్‌ స్పిరిట్‌’. నిర్మాత ఎ.ఎం.రత్నం సమర్పణలో మెగా సూర్య ప్రొడక్షన్స్‌ పతాకంపై ఎ.దయాకర్‌రావు ఈ చిత్రాన్ని నిర్మిస్తున్నారు. ఎం.ఎం. కీరవాణి సంగీతం అందిస్తున్నారు. తాజాగా ఈ చిత్రం నుంచి ‘మాట వినాలి’ అంటూ సాగే మొదటి గీతాన్ని నిర్మాతలు రిలీజ్‌ చేశారు. ఈ పాటను స్వయంగా పవన్ కళ్యాణ్ ఆలపించడం విశేషం.
సంగీత ప్రియులను మంత్రముగ్ధులను చేసే ‘మాట వినాలి’ లిరికల్‌ వీడియోతో ‘హరి హర వీర మల్లు’ సంగీత ప్రయాణం మొదలైంది. ‘వినాలి, వీరమల్లు మాట చెప్తే వినాలి’ అంటూ తెలంగాణ మాండలికంలో పవన్ కళ్యాణ్ చెప్పే హద్యమైన పంక్తులతో పాట ప్రారంభమైన తీరు అమోఘం. అందరూ పాడుకునేలా అర్థవంతమైన పంక్తులు, శక్తివంతమైన జానపద బీట్‌లతో ‘మాట వినాలి’ గీతం మనోహరంగా ఉంది. పెంచల్‌ దాస్‌ అందించిన సాహిత్యం లోతైన భావాన్ని కలిగి ఉంది. మంచి మాటలను వినడం, వాటి నుండి వచ్చే జ్ఞానం ప్రాముఖ్యతను తెలియజేస్తూ అద్భుతమైన సందేశంతో ఈ పాట సాహిత్యం నడిచింది. ప్రతి వాక్యం విలువైన జీవిత పాఠాలను అందిస్తుంది. జీవితంలో సానుకూలత, ధర్మాన్ని స్వీకరించడానికి శ్రోతలను ప్రోత్సహిస్తుంది. ఇక పవన్ కళ్యాణ్ గ్రేస్‌ ఫుల్‌ డ్యాన్స్‌లు పాట విడుదలైన కొద్ది నిమిషాల్లోనే సామాజిక మాధ్యమాల్లో సంచలనంగా మారాయి. ఎం.ఎం. కీరవాణి స్వరపరిచిన ఈ మనోహరమైన, ఆకర్షణీయమైన గీతం సంగీత ప్రియుల హదయాల్లో ప్రత్యేక స్థానాన్ని సంపాదించుకునేలా ఉంది. ఈ చిత్రానికి జ్యోతి కష్ణ, క్రిష్‌ జాగర్లమూడి దర్శకత్వం వహిస్తున్నారు. ఈ సినిమా చిత్రీకరణ తుది దశలో ఉంది. మార్చి 28న విడుదలకు సన్నాహాలు చేస్తున్నారు.
అటవీ నేపథ్యంలో చిత్రీకరించిన ఈ పాట విజువల్స్‌ ఆకట్టుకున్నాయి. ఈ చిత్రం పాన్‌ ఇండియా స్థాయిలో ఐదు భాషల్లో అలరించనుంది. ఈ క్రమంలో మొదటి గీతాన్ని తెలుగులో ‘మాట వినాలి’, తమిళంలో ‘కెక్కనుం గురువే’, మలయాళంలో ‘కేల్‌క్కనం గురువే’, కన్నడలో ‘మాతు కేలయ్యా’, హిందీలో ‘బాత్‌ నీరాలి’గా విడుదల చేశారు. కీరవాణి అద్భుతమైన స్వరకల్పనకు తెలుగులో పెంచల్‌ దాస్‌, తమిళంలో పి.ఎ. విజరు, మలయాళంలో మంకొంబు గోపాలకష్ణన్‌, కన్నడలో ఆజాద్‌ వరదరాజ్‌, హిందీలో అబ్బాస్‌ టైరేవాలా సాహిత్యం అందించారు.
