వీసీ క్రియేషన్స్‌ బ్యానర్‌ పై కే.ఓ.రామరాజు నిర్మాతగా, సంజరురెడ్డి బంగారపు దర్శకత్వంలో రూపొందుతున్న చిత్రం ‘పద్మవ్యూహంలో చక్రధారి’. ప్రవీణ్‌రాజ్‌కుమార్‌ హీరోగా తెరకెక్కుతున్న ఈ చిత్ర ట్రైలర్‌ను హీరో విశ్వక్‌ సేన్‌ రిలీజ్‌ చేశారు. ఈ సందర్భంగా ఆయన మాట్లాడుతూ,’యూత్‌ ఫుల్‌ లవ్‌ ఎంటర్‌టైనర్‌గా సినిమా బాగా అలరిస్తుంది. ట్రైలర్‌ చాలా బాగుంది. ప్రేక్షకులకు సినిమాపై మంచి అంచనాలు ఏర్పడే విధంగా ఉంది. సినిమా నిర్మించి విడుదల చేయడం అనేది ఓ సాహసం. ఆ విషయంలో చిత్ర నిర్మాత కే.ఓ.రామరాజు విజయం సాధించారు. ఈనెల 21న ప్రేక్షకుల ముందుకు వస్తున్న ఈ సినిమాను ప్రేక్షకులు ఆదరించి, విజయవంతం చేస్తారని ఆశిస్తున్నాను. ట్రైలర్‌లో చూపించినట్లు ఫస్ట్‌లవ్‌లో ఫెయిల్‌ అయిన వ్యక్తి అదే ధ్యాసలో ఉంటూ వేదన పడుతుంటాడు. దాని నుంచి ఎలా బయటపడ్డాడు అనేదాన్ని.. ఎంతో ఆసక్తితో అన్ని హంగులు ఉండేలా తీర్చిదిద్దినట్లు ట్రైలర్‌ చూస్తే అర్థం అవుతుంది. రాయలసీమ బ్యాక్‌డ్రాప్‌లో వస్తున్న ఈ లవ్‌ ఎంటర్‌టైనర్‌ మంచి విజయం సాధిస్తుందని మేకర్స్‌ నమ్మకంగా ఉన్నారు.
ప్రవీణ్‌రాజ్‌కుమార్‌, శశికా టిక్కో, అషురెడ్డి, మధునందన్‌, భూపాల్‌ రాజ్‌, ధనరాజ్‌, రూప లక్ష్మి, మాస్టర్‌ రోహన్‌, మురళీధర్‌ గౌడ్‌, మహేష్‌ విట్టా, వాసు వన్స్‌ మోర్‌ తదితరులు నటిస్తున్నారు.
