షణ్ముఖ్‌ జస్వంత్‌ లీడ్‌ రోల్‌లో నటించిన ఫీల్‌ గుడ్‌ ఎంటర్‌టైనర్‌ ‘లీలా వినోదం’. పవన్‌ సుంకర దర్శకుడు. అనగ అజిత్‌, గోపరాజు రమణ, ఆమని, రూపాలక్ష్మి తదితరులు కీలక పాత్రలు పోషించారు. శ్రీ అక్కియన్‌ ఆర్ట్స్‌ బ్యానర్‌ పై శ్రీధర్‌ మారిసా నిర్మించారు. ఈటీవీ విన్‌లో ఈనెల 19 నుంచి ఈ సినిమా స్ట్రీమింగ్‌ కానుంది. ఈ సందర్భంగా మేకర్స్‌ ప్రీరిలీజ్‌ని ఘనంగా నిర్వహించారు. హీరో షణ్ముఖ్‌ జస్వంత్‌ మాట్లాడుతూ,’నేను కంటెంట్‌ చేసి వన్‌ అండ్‌ హాఫ్‌ ఇయర్‌ అవుతుంది. అయినప్పటికీ ఎంతగానో సపోర్ట్‌ చేస్తున్నారు. మీకు ఎప్పటికీ రుణపడి ఉంటాను. నాకు కరెక్ట్‌ టైంలో ‘లీలా వినోదం’ వచ్చింది. భరత్‌, సాయికి థ్యాంక్స్‌. నన్ను నమ్మి అవకాశం ఇచ్చారు. ఈ సినిమా మీ అందరికీ చాలా చాలా నచ్చుతుంది. కొత్త కాన్సెప్ట్‌తో వస్తున్నాం’ అని అన్నారు. ‘ఇదొక క్యూట్‌ లవ్‌ స్టోరీ. మేం ఇంట్రడ్యూస్‌ చేసిన 5వ డైరెక్టర్‌ పవన్‌. తను కూడా తప్పకుండా సక్సెస్‌ఫుల్‌ డైైరెక్టర్‌ అవుతాడు’ అని ఈటీవీ విన్‌ బిజినెస్‌ హెడ్‌ సాయికష్ణ చెప్పారు. ఈటీవీ విన్‌ కంటెంట్‌ హెడ్‌ నితిన్‌ చక్రవర్తి మాట్లాడుతూ,’ పవన్‌ ఈ కథ చెప్పిన వెంటనే సింగల్‌ సిట్టింగ్‌లో ఓకే అయింది. అలా సింగల్‌ సిట్టింగ్‌లో ఓకే అయిన కథలు చాలా అరుదు. తను చాలా ఫెంటాస్టిక్‌ రైటర్‌, డైరెక్టర్‌. ఇండిస్టీలో తనకంటూ ఒక మార్క్‌ క్రియేట్‌ చేసుకుంటాడు’ అని అన్నారు. డైరెక్టర్‌ పవన్‌ సుంకర మాట్లాడుతూ, ‘నా అనుభవాలన్ని కూడా ఇందులో చూస్తారు. ఉషా కిరణ్‌ మూవీస్‌లో డైరెక్టర్‌గా పరిచయం కావడం ఒక గొప్ప అదష్టం. ఇందులో ఓవర్‌ థింకింగ్‌ అనే కాన్సెప్ట్‌ని చూపిస్తున్నాం. కచ్చితంగా ఆడియన్స్‌ సర్‌ప్రైజ్‌ ఫీల్‌ అవుతారు. అందరూ రిలేట్‌ అవుతారు. చాలా మంచి ఫీలింగ్‌ ఇచ్చేసి సినిమా ఇది’ అని తెలిపారు.
