పలు సూపర్‌ హిట్‌ చిత్రాలను అందించిన డైరెక్టర్‌ వీఎన్‌ ఆదిత్య కొత్త చిత్రాన్ని రూపొందిస్తున్నారు. ఈ సినిమాను ఓ.ఎం.జీ ప్రొడక్షన్స్‌ బ్యానర్‌ పై, ఏయు అండ్‌ ఐ సమర్పణ లో డాక్టర్‌ మీనాక్షి అనిపిండి నిర్మిస్తున్నారు. ఈ సినిమాలో హీరోయిన్‌ కేథరిన్‌ ట్రెస్సా కీలక పాత్రలో నటిస్తున్నారు. మంగళవారం కేథరిన్‌ పుట్టినరోజు సందర్భంగా ఆమెకు బర్త్‌ డే విషెస్‌ చెబుతూ మేకర్స్‌ స్పెషల్‌ పోస్టర్‌ని రిలీజ్‌ చేశారు. ప్రేక్షకులకు నచ్చే అన్ని అంశాలతో స్ట్రాంగ్‌ కంటెంట్‌తో ఈ సినిమాను దర్శకుడు వీఎన్‌ ఆదిత్య రూపొందిస్తున్నారు. ఈ చిత్రంలో దేశ, విదేశాలకు చెందిన ఎంతో మంది కొత్త నటీనటులకు అవకాశం కల్పిస్తున్నారు. అమెరికన్స్‌, స్పానిష్‌ పీపుల్‌, ఆఫ్రికన్స్‌, యూరోపియన్స్‌, ఏషియన్స్‌, తమిళ్‌, కన్నడ, తెలుగు ఆర్టిస్టులు ఈ సినిమాలో కీలక పాత్రల్లో నటించనున్నారు. ఈ సినిమాను యూఎస్‌లోని డల్లాస్‌లో చిత్రీకరిస్తారు. త్వరలో ఈ థ్రిల్లర్‌ సినిమాకు సంబంధించిన మరిన్ని వివరాలు ప్రకటించనున్నారు. ఈ చిత్రానికి నిర్మాత – డాక్టర్‌ మీనాక్షి అనిపిండి, రచన – పద్మావతి మల్లాది, స్క్రీన్‌ ప్లే, దర్శకత్వం – వీఎన్‌ ఆదిత్య.
