హరీష్‌ శంకర్‌ దర్శకత్వంలో రవితేజ నటిస్తున్న క్రేజీ ప్రాజెక్ట్‌ ‘మిస్టర్‌ బచ్చన్‌’లో జగపతి బాబు కీలక పాత్ర పోషిస్తున్నారు. వివేక్‌ కూచిభొట్ల సహ నిర్మాతగా పీపుల్‌ మీడియా ఫ్యాక్టరీ పతాకంపై టీజీ విశ్వప్రసాద్‌ నిర్మిస్తున్న ఈ చిత్రానికి సంబంధించిన పనులు శరవేగంగా జరుగుతున్నాయి. అనౌన్స్‌ మెంట్‌ పోస్టర్‌లో జగపతి బాబు ఇంటెన్స్‌, ఫెరోషియస్‌ లుక్‌లో కనిపించారు. చెస్‌ మూవ్‌ని చేతిలో పట్టుకొని సీరియస్‌గా చూస్తున్న లుక్‌ అందర్నీ అలరిస్తోంది. ‘మిస్టర్‌ బచ్చన్‌’లో జగపతి బాబు పాత్ర చాలా పవర్‌ ఫుల్‌గా ఉండబోతుందని ఈ పోస్టర్‌ ద్వారా తెలుస్తుంది. జగపతి బాబు పాత్రని దర్శకుడు హరీష్‌ శంకర్‌ పవర్‌ ప్యాక్డ్‌గా ప్రజెంట్‌ చేస్తున్నారు. రవితేజ, జగపతిబాబులను తెరపై చూడటం కనుల పండువగా ఉంటుంది. ఇద్దరికీ పవర్‌ ఫుల్‌ క్యారెక్టర్స్‌ రాసుకున్నారు హరీష్‌ శంకర్‌. రవితేజ సరసన భాగ్యశ్రీ బోర్సే కథానాయికగా నటిస్తోంది. టీమ్‌ 50 రోజుల చిత్రీకరణ పూర్తి చేసుకుంది. ఇప్పటివరకు దాదాపు 80% ప్రొడక్షన్‌ వర్క్‌ పూర్తయింది. మిగిలిన పనులను త్వరగా పూర్తి చేసి వీలైనంత త్వరగా ప్రేక్షకుల ముందుకు తీసుకురావాలని మేకర్స్‌ ప్లాన్‌ చేస్తున్నారు.ఈ చిత్రం ‘నామ్‌ తో సునా హౌగా’ అనే ట్యాగ్‌లైన్‌తో వస్తోంది.
