అల్లరి నరేష్‌ నటిస్తున్న యూనిక్‌ మాస్‌, యాక్షన్‌ ఎంటర్‌టైనర్‌ ‘బచ్చల మల్లి’. మేకర్స్‌ ముందుగా అనౌన్స్‌ చేసినట్లుగా సెప్టెంబర్‌లోనే ఈ సినిమా ప్రపంచవ్యాప్తంగా విడుదల కానుంది. ఫస్ట్‌ లుక్‌, అల్లరి నరేష్‌ బర్త్‌ డే స్పెషల్‌ గ్లింప్స్‌ సినిమాపై చాలా క్యూరియాసిటీని పెంచాయి. మేకర్స్‌ ఇప్పుడు మ్యూజిక్‌ జర్నీ స్టార్ట్‌ చేశారు. ఇందులో భాగంగా ఈ సినిమాలోని ఫస్ట్‌ సింగిల్‌ ‘మా ఊరి జాతరలో..’ పాటని రిలీజ్‌ చేశారు. ఫోక్‌, ఫంక్‌ బ్లెండ్‌ చేస్తూ పాటను సంగీత దర్శకుడు విశాల్‌ చంద్రశేఖర్‌ స్కోర్‌ చేసారు. ఈ మెలోడీని సింధూరి విశాల్‌తో కలిసి హను-మాన్‌ కంపోజర్‌ గౌరా హరి మెస్మరైజింగ్‌గా పాడారు. ఈ పాటలో అల్లరి నరేష్‌, అమృత అయ్యర్‌ల అద్భుతమైన బాండింగ్‌ని గీత రచయిత శ్రీమణి చాలా ఆకర్షణీయంగా అందించారు. లీడ్‌ పెయిర్‌ ఒకరినొకరు ఎంతగా ప్రేమిస్తున్నారో ఈ పదాలు వివరిస్తాయి. ఈ చిత్రానికి సోలో బ్రతుకే సో బెటర్‌ ఫేమ్‌ సుబ్బు మంగదేవి దర్శకత్వం వహిస్తున్నారు. సామజవరగమన, ఊరు పేరు భైరవకోన వంటి బ్లాక్‌ బస్టర్‌లను అందించిన హాస్య మూవీస్‌ బ్యానర్‌పై రాజేష్‌ దండా, బాలాజీ గుత్తా నిర్మించారు.
