నవతెలంగాణ- తాడ్వాయిమండల కేంద్రంలో గ్రామపంచాయతీ ముందు గ్రామపంచాయతీ కార్మికులు జాక్ ఆధ్వర్యంలో చేపట్టిన నిరవధిక సమ్మె సోమవారం 13వ రోజుకు చేరుకుంది. గ్రామపంచాయతీ కార్మికుల మండల అధ్యక్షులు బండారి బుజ్జిబాబు ఆధ్వర్యంలో గ్రామపంచాయతీలో కార్మికులు డప్పు చప్పులతో భారీ ర్యాలీ నిర్వహించి వినూత్నమైన రీతిలో నిరసన తెలిపారు. ఈ సందర్భంగా జిపి కార్మిక సంగం మండల అధ్యక్షుడు బండారు బుచ్చిబాబు మాట్లాడుతూ తెలంగాణ రాష్ట్ర వ్యాప్తంగా గ్రామపంచాయతీ కార్మికుల సమస్యలు పరిష్కరించాలని డిమాండ్ చేశారు. దేశంలోనే తెలంగాణ రాష్ట్రము స్వచ్భారత్ లో ముందు ఉందని చెప్పే పాలకులు కార్మికుల గురించి పట్టించుకొనే నాథుడే కరువాయ్యడని హెద్దెవా చేశారు. కరోనా కాలంలో ప్రతి గ్రామపంచాయతీ కార్మికుడు ప్రాణలకు తెగ్గించి సేవలు చేసిన, కార్మికుల ఆరోగ్యానికి రక్షణ కల్పించడంలో కేంద్ర, రాష్ట్ర ప్రభుత్వలు విఫలం అయ్యాయన్నారు. చీపురు పట్టుకొని స్వచ్ భారత్ ఫోటో లు దిగే మోడీకి కార్మికుల బాధలు కనబడటం లేదా అన్నారు. మరో వైపు కేసీఆర్, కేటీఆర్ కార్మికులను పట్టించు కోవడం లేదని కార్మికులకు ఇచ్చిన హామీని నిలబెట్టుకోవడంలో విఫలం అయ్యారన్నారు. ప్రమాదంలో మరణించిన కార్మికుల కుటుంబానికి 10లక్షల నష్ట పరిహారం ప్రభుత్వం చెల్లించాలని కారోబార్, బిల్ కలెక్టర్లను సహాయ కార్యదర్శిలుగా నియమించాలని అన్నారు. జాతీయ అర్జీత సెలవు దినాలు అమలు చేయాలనీ డిమాండ్ చేశారు. సమస్యలు పరిష్కారం అయ్యేంత వరకు సమ్మె కోనసాగుతుందని అన్నారు. ఈ కార్యక్రమంలో గ్రామపంచాయతీ కార్మిక సంఘం మండల కార్యదర్శి జవ్వాజి కాంతారావు, సీనియర్ నాయకులు వంగరి పుల్లయ్య, షేక్ హుస్సేన్, సుతారి సూరయ్య, దబ్బకట్ల నారాయణ, మండలంలోని 18 గ్రామ పంచాయతీలకు సంబంధించిన జిపి కార్మికులు తదితరులు పాల్గొన్నారు.
