కమల్ హాసన్, శంకర్ కాంబినేషన్లో లైకా ప్రొడక్షన్స్తో పాటు రెడ్ జెయింట్ బ్యానర్పై సుభాస్కరన్ నిర్మిస్తున్న భారీ బడ్జెట్ చిత్రం ‘భారతీయుడు 2’. 1996లో విడుదలై బాక్సాఫీస్ దగ్గర సరికొత్త రికార్డులను క్రియేట్ చేసిన ‘ఇండియన్’ చిత్రాన్ని ‘భారతీయుడు’గా తెలుగులో విడుదల చేసిన సంగతి తెలిసిందే. ఆ మూవీకి సీక్వెల్గా ఇప్పుడు ‘భారతీయుడు 2’ని తెరకెక్కిస్తున్నారు. శుక్రవారం ఈ సినిమా ఇంట్రో గ్లింప్స్ను మేకర్స్ విడుదల చేశారు. తెలుగులో ఈ గ్లింప్స్ను డైరెక్టర్ ఎస్.ఎస్.రాజమౌళి రిలీజ్ చేశారు.
‘భారతీయుడు’లో లంచానికి వ్యతిరేకంగా పోరాడిన వీరశేఖరన్ సేనాపతి ఇండియాలో మళ్లీ తప్పు జరిగితే తాను తిరిగి వస్తానని చెప్పటంతో కథ ముగిసింది. అయితే ఇప్పుడు మళ్లీ దేశంలో లంచగొండి తనం పెరిగిపోతోంది. లంచం లేనిదే అధికారులు ఎవరూ ఏ పనులు చేయటం లేదు. దీంతో సామాన్యుడు బతకటమే కష్టంగా మారింది. అప్పుడు భారతీయులందరూ కమ్ బ్యాక్ ఇండియన్ అంటూ హ్యాష్ ట్యాగ్ క్రియేట్ చేసి మళ్లీ దేశంలోకి భారతీయుడు అడుగు పెట్టాలని రిక్వెస్టులు పంపుతారు. చివరకు వీరశేఖరన్ సేనాపతి ఇండియాలోకి అడుగు పెడతారు. వచ్చిన తర్వాత సేనాపతి ఏం చేశారు?, భారతీయుడుకి భయపడి లంచాలు మానేసిన అధికారలు మళ్లీ లంచాలు తీసుకోవటానికి కారణం ఎవరు? పేట్రేగిన లంచం వల్ల దేశంలో ఎలాంటి అల్లకల్లోలాలు జరిగాయి అనే విషయాలను ఈ గ్లింప్స్లో చాలా గ్రాండియర్గా చూపించారు డైరెక్టర్ శంకర్. ఇదే గ్లింప్స్లో కమల్ హాసన్తో పాటు హీరో సిద్ధార్థ్, ప్రియా భవానీ శంకర్, రకుల్ ప్రీత్ సింగ్, ఎస్.జె.సూర్య, బాబీ సింహా తదితరులను మనం చూడొచ్చు. ఈ ఇంట్రో గ్లింప్స్ను తమిళంలో రజినీకాంత్, హిందీలో ఆమిర్ ఖాన్, మలయాళంలో మోహన్ లాల్, కన్నడలో కిచ్చా సుదీప్ విడుదల చేశారు.