– ప్రఖ్యాత డీజైనర్లతో ప్రణాలికలు
– బోటింగ్‌ తో షికారు ఏర్పాట్లు
– మినీ ట్యాన్క్‌ బండ్‌ కు చేరిన టూరిజం బోట్‌ లు
– సద్దులచెరువు మినీ ట్యాంక్‌ బండ్‌ ను సందర్శించిన మంత్రి జగదీశ్‌రెడ్డి,టూరిజం కార్పొరేషన్‌ ఎండి .మనోహర్‌
నవతెలంగాణ-సూర్యాపేట
జిల్లా కేంద్రంలోని మినీ ట్యాన్క్‌ బండ్‌ సద్దుల చెరువును అంతర్జాతీయ స్థాయిలో పర్యాటక కేంద్రంగా తీర్చిదిద్దనున్నట్లు రాష్ట్ర విద్యుత్‌ శాఖామంత్రి గుంటకండ్ల జగదీశ్‌ రెడ్డి ప్రకటించారు. ఈ మేరకు ప్రఖ్యాత డిజైనర్లతో ప్రణాళికలు రూపు దిద్దుకుంటున్నాయని ఆయన వెల్లడించారు. గురువారం ఉదయం రాష్ట్ర టూరిజం కార్పొరేషన్‌ యం డి మనోహర్‌, మున్సిపల్‌ చైర్మన్‌ పెరుమాండ్ల అన్నపూర్ణమ్మ, ఆడిషనల్‌ కలెక్టర్‌ లోకల్‌ బాడీస్‌ హేమంత్‌ కేశవ్‌ పాటిల్‌, మున్సిపల్‌ కమిషనర్‌ రామంజుల్‌ రెడ్డి లతో కలసి ఆయన స్థానిక సద్దుల చెరువు ను సందర్శించారు. మినీ ట్యాన్క్‌ బండ్‌ లో పర్యాటకుల విహారం కోసం త్వరలో బోట్‌ షికారును ప్రారంభించనున్నట్లు ఆయన తెలిపారు. ఇప్పటికే టూరిజం బోట్‌లు మినీ ట్యాంక్‌ బండ్‌కు చేరుకున్నాయన్నారు. అంతే గాకుండా ట్యాంక్‌ బండ్‌ మధ్యలో పుట్టిన రోజు, పెళ్లి రోజు లాంటి శుభకార్యాల ఏర్పాటు కోసం మినీకృయిజ్‌ షిప్‌ ఫైబర్‌ జెట్‌ లను ఏర్పాటు చేయబోతున్నట్లు చెప్పారు.దానికి తోడు ప్రత్యేకించి వాకర్స్‌ కోసం మెడిటేషన్‌ కేంద్రంతో పాటు ఓపెన్‌ జిమ్‌ ఏర్పాటు చేయబోతున్నట్లు తెలిపారు. దానికి తోడు చిన్నారుల కోసం సృజనాత్మకతకు అద్దం పట్టే రీతిలో క్రీడా కేంద్రాలు, అంతర్జాతీయ స్థాయికనుగుణంగా నిర్మాణాలతో పాటు విజయవాడ-హైదరాబాద్‌ జాతీయ రహదారిపై ముఖద్వారనిర్మాణాలు చేపట్ట బోతున్నట్లు వివరించారు.
Related posts:
కరోనా కష్టకాలంలో ప్రాణాలను పణంగా పెట్టి పని చేసిన గ్రామపంచాయతీ కార్మికులు
ఘనంగా పాస్టర్ ధరావత్ లాకు నాయక్ 42 వ జన్మదిన వేడుకలు
అంబేద్కర్ విగ్రహానికి వినతిపత్రం అందజేసిన గ్రామపంచాయతీ కార్మికులు..
గ్రామపంచాయతీ కార్మికుల డిమాండ్ ను పరిష్కరించాలి..
తీరు మార్చుకొని ప్రాథమిక ఆరోగ్యకేంద్ర సిబ్బంది..
అంగరంగ వైభవంగా మంత్రి జగదీష్ రెడ్డి జన్మదిన వేడుకలు..