– తుది గడువు జనవరి 30 : ఇంటర్‌ విద్యా కమిషనర్‌ శ్రీదేవసేన
నవతెలంగాణ బ్యూరో – హైదరాబాద్‌
రాష్ట్రంలో షార్ట్‌టర్మ్‌ ఒకేషనల్‌ కోర్సులు నిర్వహిస్తున్న ఇంటర్మీడియెట్‌, డిగ్రీ, పాలిటెక్నిక్‌ కాలేజీలతోపాటు ఎన్జీవోలు నడిపే సంస్థల యాజమాన్యాలు 2024-25 విద్యాసంవత్సరానికి అనుబంధ గుర్తింపు పొందాలని ఇంటర్‌ విద్యా కమిషనర్‌ శ్రీదేవసేన తెలిపారు. ఈ మేరకు ఆయన బుధవారం నోటిఫికేషన్‌ను జారీ చేశారు. గురువారం నుంచి దరఖాస్తులను ఆన్‌లైన్‌ (షషష.రఱఙవ.్‌వశ్రీaఅస్త్రaఅa.స్త్రశీఙ.ఱఅ) లో సమర్పించాలని కోరారు. దరఖాస్తుల సమర్పణకు వచ్చే ఏడాది జనవరి 30 వరకు గడువుందని తెలిపారు. అనుబంధ గుర్తింపు పొందడంతోపాటు అదనపు సెక్షన్ల కోసం దరఖాస్తు చేసుకోవాలని యాజమాన్యాలకు సూచించారు. కనీసం రెండు, గరిష్టంగా తొమ్మిది కోర్సులకు దరఖాస్తు చేసుకోవాలని వివరించారు. షార్ట్‌టర్మ్‌ ఒకేషనల్‌ కోర్సులు 53 వరకు ఉన్నాయని వివరించారు. దరఖాస్తు, తనిఖీ ఫీజు ప్రభుత్వ, ఎయిడెడ్‌ కాలేజీలకు రూ.200, ప్రయివేటు కాలేజీలకు దరఖాస్తు ఫీజు రూ.500, తనిఖీ ఫీజు రూ.2,500, గుర్తింపు ఫీజు రూ.ఐదు వేలు (ఒక్కో కోర్సుకు), గుర్తింపు పునరుద్ధరణ ఫీజు ప్రభుత్వ, ఎయిడెడ్‌ కాలేజీలు రూ.200, ప్రయివేటు కాలేజీలు రూ.ఐదు వేలు (ఒక్కో కోర్సుకు), కాలేజీ తరలింపు, సొసైటీ, కాలేజీ పేరు మార్పునకు ప్రయివేటు కాలేజీలు రూ.పది వేలు చెల్లించాలని కోరారు.
Related posts:
త్వరలో కవితకు కూడా బెయిల్ లభిస్తుంది: కేటీఆర్
కాంగ్రెస్ చెప్పిన తులం బంగారం మాటలకే పరిమితమైంది: హారీష్ రావు
ఒలంపిక్స్ విజేతలకు ప్రత్యేక అభినందనలు తెలిపిన చిరంజీవి
తెలంగాణతో కలిసి పని చేస్తాం: స్టాన్‌ఫోర్డ్ యూనివర్సిటీ ప్రకటన
బైక్ ను ఢీకొన్న ఆర్టీసీ బస్సు.. వ్యక్తి మృతి
స్పీడ్‌ పోస్టులో డ్రగ్స్‌.. సాఫ్ట్‌వేర్‌ ఇంజినీర్‌ అరెస్టు