ఇస్లామిక్‌ రిపబ్లిక్‌పై భారీ దాడులు చేస్తామని ఇజ్రాయిల్‌ బెదిరింపులకు పాల్పడితే అమెరికాను భాగస్వామిగా చూస్తామని ఇరాన్‌ విదేశాంగ మంత్రి అబ్బాస్‌ అరాఘీ హెచ్చరించాడు. అక్టోబరు 1 న ఇరాన్‌ క్షిపణి బారేజీకి ప్రతీకారంగా వాషింగ్టన్‌ సన్నిహిత మిడిల్‌ ఈస్ట్‌ మిత్రుడు ఏమి చేయగలడు?, ఇజ్రాయిల్‌ ‘వాస్తవానికి ఇరాన్‌కు ప్రతిస్పందిస్తుందా’ అనే దానిపై ‘మంచి అవగాహన’ ఉందా అని శుక్రవారంనాడు అమెరికా అధ్యక్షుడు జో బైడెన్‌ను జర్నలిస్టులు అడిగినప్పుడు ఆయన ‘అవును’ అని బదులిచ్చాడు. కానీ మరిన్ని వివరాలను అందించడానికి నిరాకరించాడు.
‘ఇజ్రాయిల్‌ ఇరాన్‌పై ఎలా, ఎప్పుడు దాడి చేస్తుంది?’ అటువంటి మూర్ఖత్వానికి మద్దతును అందించడం గురించి జ్ఞానం లేదా అవగాహన ఉన్న ఎవరైనా, ఏదైనా సాధ్యమయ్యే కారణానికి తార్కికంగా జవాబుదారీగా ఉండాలని ఆరాఘ్చి శనివారం ఎక్స్‌ కి నొక్కి చెప్పాడు’. ఇరాన్‌ విదేశాంగ మంత్రి తన సందేశంలో నేరుగా వాషింగ్టన్‌ పేరును ప్రస్తావించలేదు. కానీ అతని పోస్ట్‌లో ఇరాన్‌ను లక్ష్యంగా చేసుకునే ఇజ్రాయిల్‌ ప్రణాళికల గురించి తనకు తెలుసునని రాయిటర్స్‌ కథనాన్ని బైడెన్‌ ధ్రువీకరించాడు.
ఇరాన్‌పై సాధ్యమయ్యే దాడులకు ఇజ్రాయిల్‌ సన్నాహాలపై అత్యంత రహస్య గూఢచార నివేదికలు ఆన్‌లైన్‌లో లీక్‌ అయిన తర్వాత అమెరికా దర్యాప్తు ప్రారంభించిందని మూడు సమాచార వనరులను ఉటంకిస్తూ సీఎన్‌ఎన్‌ శనివారంనాడు రిపోర్ట్‌ చేసింది. శుక్రవారంనాడు టెలిగ్రామ్‌లో పోస్ట్‌ చేయబడిన రెండు పత్రాల్లో ఒకటి స్పష్టంగా పెంటగాన్‌ నేషనల్‌ జియోస్పేషియల్‌-ఇంటెలిజెన్స్‌ ఏజెన్సీచే తయారు చేయబడింది. ఇజ్రాయిల్‌ మిలిటరీ ‘అక్టోబర్‌ 16న ఇరాన్‌పై దాడి కోసం దాదాపు కచ్చితంగా కీలకమైన సాయుధ సన్నాహాలు, రహస్య యూఏవీ కార్యకలాపాలను కొనసాగించింది’ అని చెప్పింది.
రెండవ ఫైల్‌లో అక్టోబర్‌ 15, 16 తేదీల్లో ఇజ్రాయిలీ వైమానిక దళం నిర్వహించిన భారీ విన్యాసం గురించి వివరణ ఉంది. గత నెల్లో హమాస్‌, హిజ్‌బుల్లా నాయకులు, ఇస్లామిక్‌ రివల్యూషనరీ గార్డ్‌ కార్ప్స్‌ జనరల్‌ హత్యలకు ప్రతిస్పందనగా అక్టోబరు 1న ఇరాన్‌ ఇజ్రాయిల్‌పై దాదాపు 200 బాలిస్టిక్‌ క్షిపణులను ప్రయోగించింది. అప్పటి నుంచి, ఇజ్రాయిల్‌ రక్షణ మంత్రి యోవ్‌ గల్లంట్‌ ‘ప్రాణాంతకమైన, ఖచ్చితమైన, ఆశ్చర్యకరమైన’ ప్రతీకారాన్ని అందిస్తానని బెదిరించాడు. అయితే కొంతమంది ఇజ్రాయిల్‌ అధికారులు అణు సౌకర్యాలతో సహా ఇరాన్‌ ఇంధన మౌలిక సదుపాయాలపై దాడులకు పిలుపునిచ్చారు. ఇజ్రాయిల్‌ ప్రధాన మంత్రి బెంజమిన్‌ నెతన్యాహు కార్యాలయం గురువారం మాట్లాడుతూ, ‘మన జాతీయ ప్రయోజనాల ఆధారంగా’ ప్రతీకార చర్యకు సంబంధించి దేశం ‘చివరి నిర్ణయాలు’ తీసుకుంటుందని అన్నాడు.
