కాలువలకు సాగునీటిని వెంటనే విడుదల చేయాలి 

Irrigation water should be released to canals immediately– లేదంటే రైతులతో కలిసి ఆందోళన కార్యక్రమాలు
– మాజీ ఎమ్మెల్యే కంచర్ల భూపాల్ రెడ్డి 
– జిల్లా మంత్రులు చోద్యం చూస్తున్నారని విమర్శ
నవతెలంగాణ – నల్గొండ కలెక్టరేట్
ఏఎంఆర్పి కాలువ ద్వారా నల్లగొండ నియోజకవర్గo కనగల్ తిప్పర్తి నల్లగొండ మాడుగుల పల్లి మండలాలకు చెందిన డి 25, డి 37,డి39,డి 40, కాలువలకు సాగునీరు వెంటనే విడుదల చేయాలని నల్లగొండ మాజీ ఎమ్మెల్యే కంచర్ల భూపాల్ రెడ్డి డిమాండ్ చేశారు. మంగళవారం ఆయన కలెక్టర్ వినతిపత్రం అందజేశారు. అనంతరం ఆయన మాట్లాడుతూ గత సంవత్సర కాలంగా ఎమ్మార్పీ కాల్వ ద్వారా నియోజకవర్గ రైతులకు సాగునీరు అందకపోవటంతో పంటలు ఎండి రైతులు తీవ్రంగా నష్టపోయారని ఆవేదన చెందారు.  సాగర్ ద్వారా ప్రస్తుతం వందల టీఎంసిల నీరు వృధాగా సముద్రం పాలవుతుందని ఆరోపించారు. అయినప్పటికీ ఏఎమ్మార్పీ కాలువల ద్వారా సాగునీరు అందించకపోవడంతో ఇప్పటికే నారుమళ్లు పోసుకున్న రైతులు నిరంధక తీవ్ర ఆవేదన చెందుతున్నారని తెలిపారు. సీజన్ కు ముందే పంపు రిపేరు చేయవలసి ఉన్న ప్రభుత్వం నిర్లక్ష్యంతో, అధికారులు అలసత్వం తో తీవ్ర జాప్యం చేసి ఆగస్టు మాసం వరకు కూడా నిరంధించలేక  పోయారని, జిల్లాకు చెందిన మంత్రులు చోద్యం చూస్తున్నారని మండిపడ్డారు. స్థానిక మంత్రి విదేశాలలో కాలం గడుపుతు మాటలతో కోటలు కడుతున్నారు కానీ, చేతలు గడప దాడటంలేదని తీవ్రంగా విమర్శించారు. ఇప్పటికైనా ప్రభుత్వం తక్షణమే ఏ ఎంఆర్పి కాల్వలకు నీటిని పూర్తి స్థాయిలో విడుదల చేయాలని, లేనిపక్షంలో  తాము రైతులతో కలిసి ఆందోళనలు చేస్తామని,ప్రభుత్వాన్ని హెచ్చరించారు. అదేవిధంగా తమ పార్టీ హయాంలోనే ట్రయల్ రన్  నిర్వహించిన బ్రాహ్మణ వెల్లంల ప్రాజెక్టు కూడా నీటిని విడుదల చేసి అక్కడ చెరువులు నింపాలని కోరారు.వినతిపత్రం అందజేసిన  వారిలో సీనియర్ నాయకులు బక్క పిచ్చయ్య, మాజీ మున్సిపల్ చైర్మన్ మందడి సైదిరెడ్డి, మాజీ ఎంపీపీలు కరీం పాషా, నారబోయిన బిక్షం, బొజ్జ వెంకన్న, మాజీ జెడ్పిటిసిలు  యాదగిరి, తుమ్మల లింగస్వామి, మున్సిపల్ కోఆప్షన్ సభ్యులు, కొండూరు సత్యనారాయణ,జమాల్ ఖాద్రి ఎడవల్లి సింగిల్ విండో చైర్మన్ ధోటి శ్రీనివాస్, పట్టణ పార్టీ అధ్యక్షులు భువనగిరి దేవేందర్,   నల్గొండ కనగల్ మండల పార్టీ అధ్యక్షులు దేప వెంకట్ రెడ్డి, అయితగోని యాదయ్య, మాజీ కౌన్సిలర్ మెరుగు గోపి,నల్గొండ సింగిల్ విండో వైస్ చైర్మన్ లు, కందుల లక్ష్మయ్య, తవిటి కృష్ణ, సింగం మల్లేష్, కార్యదర్శి బడుపుల శంకర్, మెండు మణిపాల్ రెడ్డి, ఊట్కూరు సందీప్ రెడ్డి, తదితరులు పాల్గొన్నారు.