హీరో విజయ్ ఆంటోనీ ‘తుఫాన్‌’ చిత్రంతో మరోసారి తెలుగు ప్రేక్షకుల ముందుకు రాబోతున్నారు. ఈ సినిమాను ఇన్ఫినిటీ ఫిల్మ్‌ వెంచర్స్‌ బ్యానర్‌ పై కమల్‌ బోరా, డి.లలితా, బి. ప్రదీప్‌, పంకజ్‌ బోరా నిర్మిస్తున్నారు. ఈ సంస్థ గతంలో విజయ్ ఆంటోనీ హీరోగా ‘రాఘవన్‌, హత్య’ సినిమాలను నిర్మించింది. పొయెటిక్‌ యాక్షన్‌ ఎంటర్‌టైనర్‌ జోనర్‌లో ఈ సినిమాను రూపొందిస్తున్నారు దర్శకుడు విజరు మిల్టన్‌. తాజాగా ఈ చిత్రంలోని ఫస్ట్‌ సింగిల్‌ ‘తుఫాన్‌ లా’ను మేకర్స్‌ రిలీజ్‌ చేశారు. ‘ఈ వాన నీలో ఈ క్షణం ఓ హోరై కురిసెనా.. పదే పదే ఆవేదనే నిన్నే వేధించెనా…నువ్వు నువ్వుగానే ఉన్న నీలో ఏదో యుద్ధమా…’ అంటూ హీరో క్యారెక్టరైజేషన్‌లోని సంఘర్షణను వివరిస్తూ ఈ పాటను రూపకల్పన చేశారు.
ఈ పాటకు భాష్యశ్రీ లిరిక్స్‌ అందించగా, హైమత్‌ మహమ్మద్‌ పాడారు. విజయ్ ఆంటోనీ, అచ్చు రాజమణి సంగీతాన్ని అందించారు.
