సిద్ధు జొన్నలగడ్డ హీరోగా నటిస్తున్న మరో క్రేజీ ప్రాజెక్ట్‌ ‘జాక్‌.. కొంచెం క్రాక్‌’. బొమ్మరిల్లు భాస్కర్‌ దర్శకత్వం వహిస్తున్నారు. ఈ సరికొత్త కలయికలో శ్రీవెంకటేశ్వర సినీ చిత్ర బ్యానర్‌పై బివిఎస్‌ఎన్‌ ప్రసాద్‌ ఈ చిత్రాన్ని నిర్మిస్తున్నారు. ఈ చిత్రం ప్రపంచ వ్యాప్తంగా ఏప్రిల్‌ 10న గ్రాండ్‌ లెవల్లో రిలీజ్‌ కానుంది. ప్రస్తుతం ఈ మూవీ చిత్రీకరణ తుది దశకు చేరుకుంది. ఈ క్రమంలో న్యూ ఇయర్‌ సందర్భంగా మేకర్స్‌ అందరికీ విషెష్‌ తెలియజేస్తూ సినిమాకు సంబంధించిన పోస్టర్‌ను విడుదల చేశారు. పోస్టర్‌లో హీరో సిద్ధు సింపుల్‌గానే కనిపిస్తున్నా స్టైలిష్‌ లుక్‌లో ఆకట్టుకుంటున్నారు. సిద్ధు టైటిల్‌ రోల్‌లో నటిస్తోన్న ఈ మూవీపై ఆడియెన్స్‌లో మంచి అంచనా లున్నాయి. ఫన్‌ రైడర్‌లా అందరినీ మెప్పించే కథాంశంతో ఈ చిత్రం మన ముందుకు రానుంది. ‘బేబి’ ఫేమ్‌ వైష్ణవి చైతన్య ఇందులో హీరోయిన్‌గా నటిస్తుంది. ప్రకాష్‌ రాజ్‌, నరేష్‌, బ్రహ్మాజీ తదితరులు కీలక పాత్రల్లో మెప్పించనున్నారు. అచ్చు రాజమణి సంగీత సారథ్యం వహిస్తున్నారు.
