హైదరాబాద్‌ : హీరో మహేష్‌బాబు.. ప్రముఖ దర్శకుడు రాజమౌళి కాంబోలో రాబోతున్న ఎస్‌ఎస్‌ఎంబీ 20 ప్రాజెక్టుపై ఇప్పుడు ప్రపంచవ్యాప్తంగా చర్చ జరుగుతోంది. ఇప్పటికే ఇందులో నటీనటుల పాత్రలపై సోషల్‌ మీడియాలో పెద్దఎత్తున కథనాలు వస్తున్న విషయం తెలిసిందే. తాజాగా హాలీవుడ్‌ సన్షేషనల్‌ డైరెక్టర్‌ జేమ్స్‌కామెరాన్‌ ఈ ప్రాజెక్టు ప్రారంభోత్సవానికి ముఖ్యఅతిథిగా రాబోతున్నట్లుగా సమాచారం. దేశంలోనే క్రేజీ ప్రాజెక్టుగా చెబుతున్న ఈ సినిమా విషయాలపై జాతీయస్థాయి మీడియాను కూడా తీసుకువచ్చే ఏర్పాట్లు కూడా చేస్తున్నట్టుగా సమాచారం. రాజమౌళి ‘ఆర్‌ఆర్‌ఆర్‌’పై పలు అంతర్జాతీయ వేదికలపైన కామెరాన్‌ ప్రస్తావించిన విషయం తెలిసిందే.
