హీరో సూర్య నటిస్తున్న ప్రెస్టీజియస్‌ మూవీ ‘కంగువ’. ఈ సినిమాను భారీ నిర్మాణ విలువలతో స్టూడియో గ్రీన్‌, యూవీ క్రియేషన్స్‌ సంస్థలు నిర్మిస్తున్నాయి. పీరియాడిక్‌ యాక్షన్‌ ఫిల్మ్‌గా దర్శకుడు శివ రూపొంది స్తున్నారు. దిశా పటానీ హీరోయిన్‌గా నటిస్తోన్న ఈ చిత్రంలో బాబీ డియోల్‌ కీ రోల్‌ ప్లే చేస్తున్నారు. తాజాగా ‘కంగువ’ సినిమాకు సంబంధించిన డబ్బింగ్‌ వర్క్స్‌ స్టార్ట్‌ చేశారు హీరో సూర్య. డబ్బింగ్‌ వర్క్స్‌ జరుగుతున్న అద్నాన్‌ ఆర్ట్స్‌ స్టూడియోస్‌లో హీరో సూర్యతో డైరెక్టర్‌ శివ, ఇతర టెక్నీషియన్స్‌ పాల్గొన్నారు.
పాన్‌ వరల్డ్‌ మూవీగా మొత్తం పది భాషల్లో తెరకెక్కుతున్న ‘కంగువ’లో వరల్డ్‌ క్లాస్‌ మేకింగ్‌, సూర్య పర్‌ఫార్మెన్స్‌ హైలైట్‌ కానుంది. హీరో సూర్య కెరీర్‌లో హై బడ్జెట్‌ మూవీగా రూపొందుతున్న ఇది ఇండియన్‌ సిల్వర్‌ స్క్రీన్‌ మీద ఒక స్పెషల్‌ ఫిల్మ్‌ కాబోతోంది. త్వరలోనే ఈ సినిమా థియేట్రికల్‌ రిలీజ్‌ డేట్‌ను మేకర్స్‌ ప్రకటించనున్నారు. త్రీడీలోనూ ‘కంగువ’ ప్రేక్షకుల ముందుకు రానుంది. ఈ చిత్రానికి ఎడిటర్‌ – నిశాద్‌ యూసుఫ్‌, సినిమాటోగ్రఫీ – వెట్రి పళనిస్వామి, యాక్షన్‌- సుప్రీమ్‌ సుందర్‌, డైలాగ్స్‌- మదన్‌ కార్కే, కథ – శివ, ఆది నారాయణ, పాటలు – వివేక్‌, మదన్‌ కార్కే, ఎగ్జిక్యూటివ్‌ ప్రొడ్యూసర్‌ – ఏ జే రాజా, కో ప్రొడ్యూసర్‌ – నేహా జ్ఞానవేల్‌ రాజా, ప్రొడ్యూసర్స్‌ – కేఈ జ్ఞానవేల్‌ రాజా, వంశీ, ప్రమోద్‌, దర్శకత్వం – శివ.
