హీరో సూర్య నటిస్తున్న తాజా చిత్రం ‘కంగువ’. ఈ సినిమా నవంబర్‌ 14న ప్రపంచవ్యాప్తంగా గ్రాండ్‌ థియేట్రికల్‌ రిలీజ్‌కు వస్తోంది. అక్టోబర్‌ 10వ తేదీన రావాల్సిన ఈ సినిమా మరిన్ని హంగులతో ముస్తాబై నవంబర్‌ 14న ప్రేక్షకుల ముందుకు రాబోతోంది. ఈ రిలీజ్‌ డేట్‌ అనౌన్స్‌మెంట్‌ సందర్భంగా విడుదల చేసిన వీడియో అందర్నీ ఆకట్టుకుంటోంది. ఈ చిత్రాన్ని భారీ పీరియాడిక్‌ యాక్షన్‌ ఫిల్మ్‌గా దర్శకుడు శివ రూపొందిస్తున్నారు. దిశా పటానీ, బాబీ డియోల్‌ కీలక పాత్రల్లో నటిస్తున్నారు. ‘కంగువ’ సినిమాను హ్యూజ్‌ బడ్జెట్‌తో ప్రముఖ నిర్మాణ సంస్థలు స్టూడియో గ్రీన్‌, యూవీ క్రియేషన్స్‌ బ్యానర్స్‌ పై కేఈ జ్ఞానవేల్‌ రాజా, వంశీ, ప్రమోద్‌ నిర్మిస్తున్నారు. ఈ సినిమాను నైజాం ఏరియాలో మైత్రీ మూవీ డిస్ట్రిబ్యూటర్స్‌ రిలీజ్‌ చేయబోతున్నారు.
