రవితేజ తమ్ముడు రఘు కొడుకు మాధవ్‌ హీరోగా నటిస్తున్న సినిమా ‘మిస్టర్‌ ఇడియట్‌’. సిమ్రాన్‌ శర్మ హీరోయిన్‌. జేజేఆర్‌ ఎంటర్‌టైన్‌మెంట్స్‌ ఎల్‌ఎల్‌పీ పతాకంపై యలమంచి రాణి సమర్పణలో నిర్మాత జేజేఆర్‌ రవిచంద్‌ నిర్మిస్తున్నారు. గౌరీ రోణంకి డైరెక్ట్‌ చేస్తున్నారు. త్వరలోనే ఈ సినిమా గ్రాండ్‌ థియేట్రికల్‌ రిలీజ్‌కు రెడీ అవుతోంది. రీసెంట్‌గా రిలీజ్‌ చేసిన ట్రైలర్‌ డిజిటల్‌ వ్యూస్‌లో హ్యూజ్‌ రెస్పాన్స్‌ తెచ్చుకుంది. తాజాగా శుక్రవారం ఈ సినిమా నుంచి ‘కాంతార కాంతార..’ లిరికల్‌ సాంగ్‌ను హీరో నిఖిల్‌ సోషల్‌ మీడియా ద్వారా రిలీజ్‌ చేశారు. పాట చాలా ఎనర్జిటిక్‌గా ఉందన్న ఆయన మూవీ టీమ్‌కు బెస్ట్‌ విషెస్‌ తెలియజేశారు. అనూప్‌ రూబెన్స్‌ మంచి బీట్‌తో కంపోజ్‌ చేసిన ఈ పాటకు కాసర్ల శ్యామ్‌ లిరిక్స్‌ అందించారు. పాటలోని ఎనర్జీని రెట్టింపు చేసేలా రాహుల్‌ సిప్లిగంజ్‌ పాడారు. ‘ఎందుకె చిట్టి నువ్వు ఇట్లా పుట్టినావు మందిని సంపుతావు ఏందే, మా లెక్కనే నీకు రెండు కాళ్లు చేతులు ముక్కు మూతి ఉన్నయి గాదె, బలుపు నీకు ట్విన్‌ బ్రదరా, ఈగో నెత్తి మీద ఫెదరా, మనషులంటే నీకు పడరా, నువ్వేమన్న అవతారా, ఎమి చూసుకుని నీకు ఇంత టెక్కూ, దిష్టి బొమ్మకైన పనికి రాదు నీ పిక్కూ ..కాంతార కాంతార కాంతారా…’ అంటూ సాగుతుందీ పాట. కాలేజ్‌లో హీరోయిన్‌ను హీరో టీజింగ్‌ చేసే సందర్భంలో ఈ పాటను తెరకెక్కించారు. ఈ చిత్రానికి డైలాగ్స్‌ – శ్యామ్‌, వంశీ, సంగీతం అనూప్‌ రూబెన్స్‌, లిరిక్స్‌ – శివశక్తి దత్తా, భాస్కరభట్ల, కాసర్ల శ్యామ్‌, కొరియోగ్రఫీ – భాను, జిత్తు, వెంకట్‌, పథ్వీ, స్టంట్స్‌ – రాజేశ్‌ లంక, సినిమాటోగ్రఫీ – రామ్‌ రెడ్డి, ఆర్ట్‌ – కిరణ్‌ కుమార్‌ మన్నె, ఎడిటింగ్‌ – విప్లవ్‌ నైషధం, రచన, దర్శకత్వం – గౌరి రోణంకి.
