నవతెలంగాణ – చండూర్స్థానిక కస్తూర్బా గాంధీ గురుకుల విద్యాలయంలో 2023- 24 విద్యా సంవత్సరానికి సంబంధించి పదవ తరగతి ఫలితాలలో విద్యార్థులు 100% ఉత్తీర్ణత సాధించడమే కాకుండా 9.5,9.2 హైయెస్టు జీపీ లతో జిల్లాలోని అన్ని కేజీబీవీలలో మూడో స్థానంలో నిలిచి విజయ దుందుభి మ్రోగించారు.ఈ పదవ తరగతి ఫలితాలలో డి.ఇందు 9.5 జిపి సాధించి ప్రథమ స్థానంలో నిలవగా, వి . అంజలి 9.2 జిపి తో ద్వితీయ స్థానంలో నిలిచింది.ప్రైవేట్ విద్యా సంస్థలకు దీటుగా సాధించిన ఈ ఫలితాలను చూసి విద్యార్థుల తల్లిదండ్రులు హర్షం వ్యక్తం చేసినట్లు కేజీబీవీ ప్రత్యేక అధికారి సి.హెచ్.మంజుల తెలిపారు . ఈ సందర్భంగా సి.హెచ్. ఆమె మాట్లాడుతూ ఆర్థికంగా వెనుకబడిన విద్యార్థులు అయినప్పటికీ,ప్రభుత్వం ద్వారా పాఠశాల అందించిన వనరులను సద్వినియోగం చేసుకొని విద్యార్థులు ఇలాంటి మంచి ఫలితాలు సాధించారు. పాఠశాల సిబ్బంది సహకారం తో టీం వర్క్ చేయడం వల్లనే ఈ విజయాన్ని సాధించగలిగామని తెలిపారు.
