కృష్ణవంశీ దర్శకత్వంలో శ్రీకాంత్‌, ప్రకాష్‌రాజ్‌, శివాజీ రాజా, రవితేజ ప్రధాన పాత్రల్లో నటించిన సినిమా ‘ఖడ్గం’. 22 ఏళ్ళ తర్వాత ఈ సినిమా రీ-రిలీజ్‌కి రెడీ అవుతోంది. ఈ నేపథ్యంలో నిర్వహించిన మీడియా సమావేశంలో దర్శకులు కృష్ణవంశీ మాట్లాడుతూ, ‘మాకు ఈ సినిమా తీయడంలో సహాయం చేసిన నిర్మాత మధు మురళికి ధన్యవాదాలు. భారతీయ జెండా ఒక ఖడ్గం అనే ఉద్దేశంతో ఈ సినిమాకి ఆ టైటిల్‌ పెట్టి సినిమా తీశాం. ఈ సినిమాకి సహకరించిన నటీనటులందరికీ థ్యాంక్స్‌’ అని చెప్పారు. ‘జనరేషన్స్‌ మారినా పేట్రియాటిక్‌ ఫిల్మ్స్‌ అన్నింటిలో ‘ఖడ్గం’ గొప్ప చిత్రం. ఈ సినిమాలో నిర్మాత మధు మురళి నన్ను వద్దు అన్నారు. కానీ వంశీ ధైర్యం చేసి ఆయన్ని ఒప్పించి, నన్ను సినిమాలోకి తీసుకున్నారు. నా లైఫ్‌లో ఈ సినిమాని మర్చిపోలేను. ఈ సినిమా మళ్ళీ రిలీజ్‌ అవుతున్నందుకు చాలా హ్యాపీగా ఉంది’ అని హీరో శ్రీకాంత్‌ అన్నారు. షఫీ మాట్లాడుతూ, ‘నేషనల్‌ స్కూల్‌ ఆఫ్‌ డ్రామాలో చదివి ఏడేళ్లుగా వెయిట్‌ చేస్తున్న సమయంలో నాకు దొరికిన అవకాశం ‘ఖడ్గం’. ఈ సినిమాలో అవకాశం ఇచ్చి నా వనవాసంకి ఎండ్‌ చెప్పడానికి కారణమైన కృష్ణవంశీకి కృతజ్ఞతలు’ అని తెలిపారు. ‘నిర్మాత మధు మురళికి స్పెషల్‌ థాంక్స్‌. ఇటీవలే ‘మురారి’ పండుగ చేసుకున్నాం. ఇప్పుడు ‘ఖడ్గం’ రీ రిలీజ్‌ అవుతుంది. నాకు చాలా సంతోషంగా ఉంది’ అని శివాజీ రాజా చెప్పారు.
